Luka 4:8 - Tedim Bible Revision 2017

⁸ Jesu in, “Lai Siangtho in, ‘Topa Pasian na bia inla, ama na bek sem in,’ ci hi lo ahi hiam?” ci-in a dawng hi.

Tedim Bible

⁸ Zeisu in zong, “Na Topa Pasian na bia ding hi. Ama na bek na sem ding hi, ci-in Lai Siangtho sungah kigelh hi,” a ci hi.

Luka 4:8 Referans Kwoze

Thu-hilhkikna 6:13

Topa na Pasian uh na zahtak ding uh hi. Ama na bek na sem ding uh a, ama min tawh na kiciam ding uh hi.

Thu-hilhkikna 10:20

Topa noteʼ Pasian na zahtak ding uh a, ama na semin, amah beelin, ama min tawh na kiciam ding uh hi.

Mattiu 4:10

Jesu in, “Satan aw, tai khia in. Lai Siangtho in, ‘Na Topa Pasian bek bia inla, ama na bek sem in,’ ci hi lo ahi hiam?” ci-in a dawng hi.

Mangmuhna 19:10

Tua ciangin amah a bia dingin a khe phung ah ka kun suk a, ahi zongin amah in, “Kei hong bia kei in. Kei pen Jesuʼ hong thugente a lenkip nang le na sanggamte khempeuh tawh nasem khawm khat ka hi hi. Pasian bia in!” hong ci hi. Jesuʼ thugen in kamsang nasep sepnop nading lungsim a guan ahi hi.

Late 83:18

Topa a kici min nei nangmah bek leitung khempeuh ah a Sangpen pa na hihna amaute theisak in.

Mangmuhna 22:9

Ahi zongin amah in, “Kei hong bia kei in. Kei pen nang le na sanggamte le hih laibu sungah a om thu a zui mite tawh nasem khawm khat ka hi hi. Pasian bia in,” hong ci hi.

Jeim 4:7

Tua ahih manin Pasianʼ thu na mang un. Dawimangpa na nial un. Nial le-uhcin no kiang panin tai khia ding hi.

Luka 4:4

Jesu in, “Lai Siangtho sungah, ‘Anlum bek tawh mite nungta zo lo hi,’ ci-in kigelh hi lo ahi hiam?” ci-in a dawng hi.

1 SAMUEL MASA 7:3

Tua ciangin Samuel in Israel mite khempeuh kiangah, “Na lungsim khempeuh uh tawh Topaʼ lamah a kiheikik na hih uh leh noteʼ lak panin gamdang pasian-te le Ashtaroth nusian milim koih khia-in Topaʼ lamah na lungsim uh ngat unla, amah bek bia un. Tua hileh amah in Filistia-teʼ khut sung panin note hong hon khia ding hi,” a ci hi.

1 PETER MASA 5:9

Leitungah thu um dang khempeuh in zong noteʼ thuak mah bangin a thuak ahihna thu thei unla, na upna uh ah kipin Dawimangpa na nial un.

Mattiu 16:23

Ahi zongin Jesu kihei-in Peter kiangah, “Satan aw, ka nungah om in. Hih na ngaihsutnate Pasianʼ ngaihsutna hi loin mihingteʼ ngaihsutna ahih manin ka lam a hong khaktan ding a suak hi,” a ci hi.

Isaiah 2:11

Miteʼ kiliatsakna pen kiniamkoih dinga, mihingteʼ kiphatsakna pen kiniamkhiat ding hi. Tua ni ciangin Topa bek a lianin kikoih ding hi.

2 KUMPI NIHNATE 19:15

Tua ciangin Hezekiah in Topaʼ mai ah thu ngenin, “Topa, Israel Pasian, kherub tungah a tupa aw, leitung kumpi gam khempeuh lakah nangmah, nangmah bek Pasian na hi a, nangmah in vantung le leitung na bawl hi.

Luka 4:7

Keima mai ah kunin hong bia lecin hihte khempeuh nangma aʼ hi ding hi,” a cih ciangin