Luka 4:5 - Tedim Bible Revision 2017

⁵ Tua ciangin Dawimangpa in Jesu paipih to a, thakhat thu-in leitung kumpi gam khempeuh a lah khit ciangin,

Tedim Bible

⁵ Tua lai takin dawimangpa in Zeisu paipihto a, leitung gam khempeuh neukha sungin a lak hi.

Luka 4:5 Referans Kwoze

Efesa 6:12

Eiteʼ do pen si le sa a nei leitung mite hi lo a, vantung huihlak a thuneite, aana neite, hih leitung khuamial gam a ukte le huih khua a om kha gilote ahi hi.

1 KORIN MASA 15:52

Peengkul nunung hong gin ciangin mitphiat kikal sungin i kikhel pak ding hi. Bang hang hiam cih leh peengkul hong gin ciangin misite a si thei nawn lo dingin hong tho dinga, i vekpi-in i kikheel ding hi.

Mattiu 4:8

Tua ciangin Dawimangpa in mual sang mahmah khat ah Jesu paipih to a, leitung kumpi gam khempeuh le a hoihna teng a lah khit ciangin,

Late 73:19

Tomno sungin amaute kisusia-in, lau mahmahna in amaute nil khia mang ding hi.

JOB (Job) 20:5

migiloteʼ nopsak hun a tom mahmahna thu, Pasian a don loteʼ lungdam hun a tom mahmahna thu thei lo na hi hiam?

Efesa 2:2

Tua hun lai-in leitung gitloh gamtatnate na zui uh a, Pasian thu a um lo mite sungah tu laitakin na a sem, huihlak a ukteʼ thu na mang uh hi.

2 KORIN NIHNA 4:17

Tu hun laitakin tomno sung lungkhamna ka thuakte uh in ka thuakna uh sangin nakpi takin a lian zaw tawntung minthanna sung hong tunpih ding hi.

1 KORIN MASA 7:31

leitung na nuam takin a zangte pen a zang lo mah bangin kingaihsun ta uh hen. Bang hang hiam cih leh hih leitung pen sau veipi kip nawn lo ding hi.

Mattiu 24:14

Tua ciangin mi khempeuh tungah teci ahi dingin Pasianʼ hong ukna hangin a lungdamhuai thu, leitung khempeuh ah kihilh ding hi. Tua khit ciangin beina hong tung ding hi.