Luka 4:41 - Tedim Bible Revision 2017

⁴¹ Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Tedim Bible

⁴¹ Dawite in zong, “Nang in Pasian’ Tapa na hi hi,” ci-in kikoin mi tampite sung pan a paikhia uh hi. Amah in Khazih ahih lam a theih manun, Amah in amaute taii-in kam khat beek a pausak kei hi.

Luka 4:41 Referans Kwoze

Marka 1:34

Jesu in natna namkim a vei mi tampi damsak a, dawi tampi tak zong a hawl khia hi. Dawite in Jesu thei uh ahih manin, Jesu in dawite thu gensak lo hi.

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

Marka 3:11

Tua laitakin miteʼ sunga lut dawite in Jesu a muh uh ciangin a mai ah pukin kiko uh a, “Nang pen Pasianʼ Tapa na hi hi,” a ci uh hi.

Mattiu 4:3

Tua ciangin ama kiangah Dawimangpa hong pai a, “Pasianʼ Tapa na hih takpi leh hih suangte anlum a suah nadingin thu pia in,” a ci hi.

Mattiu 26:63

Jesu pau loin a om hi. Tua ciangin siampi lianpen pa in, “Pasianʼ Tapa, Khris na hih leh na hih loh nong gen nadingin a nungta Pasianʼ min tawh khauh takin ka hong sawl hi,” a ci hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Marka 1:25

Jesu in, “Pau kei in; hih mipa sung panin paikhia in,” ci-in tua dawi tungah thu a pia hi.

Mattiu 8:4

Tua ciangin Jesu in ama kiangah, “Hih thupiang kuama kiangah gen masa loin siampipa kiangah va paisuak pahin va kivelsak inla, na dam khitna thu mi khempeuh in a theih nadingin Moses thupiakna tawh kizui-in biakna va pia in,” ci-in a vaikhak hi.

Mattiu 8:16

A nitak ciangin mite in Jesu kiangah dawivei mi tampi tak hong paipih uh hi. Jesu in kam khat pauna bek tawh dawite hawl khia-in cina khempeuh a damsak hi.

Marka 1:32

Tua nitak lam, ni a tum khit ciangin mite in Jesu kiangah cina khempeuh le dawivei khempeuh a hong paipih uh hi.

Luka 4:39

Jesu zong pai-in a lupna gei ah dinga, a cinatna a taii ciangin a nattutna dam pah a, amah zong tho zo pahin a zinte a do zo pah hi.