Luka 4:35 - Tedim Bible Revision 2017

³⁵ Jesu in tua dawi taii a, “Pau kei inla, ama sung panin paikhia in,” ci-in thu a pia hi. Dawi in a mipa mihon lakah a puksak khit ciangin ama sung panin paikhia a, ahi zongin liamsak lo hi.

Tedim Bible

³⁵ Zeisu in, “Pau kei in la, ama sung pan paikhia in,” ci-in a taai hi. Dawi in amaute lai zangah amah a puksak khit ciangin, natna bawl loin ama sung pan a paikhia hi.

Luka 4:35 Referans Kwoze

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 4:39

Jesu zong pai-in a lupna gei ah dinga, a cinatna a taii ciangin a nattutna dam pah a, amah zong tho zo pahin a zinte a do zo pah hi.

Mattiu 8:26

Jesu in, “Bang hangin tua ci lau na hi uh hiam? Na upna uh neu mahmah hi,” a cih khit ciangin tho-in huihpi le tuihualte thu pia a, a dai dide pah hi.

Mangmuhna 12:12

Tua ahih manin vantungte le tuate sungah a teeng mi khempeuh aw, lungdam un! Ahi zongin vantung panin Dawimangpa hong kilawn khia suk a, hun tomno bek a nei lai ahih lam thei ahih manin leitung le tui tungah a omte adingin lauhuai mahmah ding hi,” hong ci hi.

Luka 11:22

Ahi zongin amah sangin a hat zaw mi khat in amah simin a zawh gawp khit ciangin, ama muan a hiam khempeuh laksakin a pawlte tawh a hawm hi.

Luka 9:42

A naupang hong pai laitakin dawi in leilak ah tuksakin a kongkawcipsak hi. Ahi zongin Jesu in a dawi taii a, naupang damsakin, a pa kiangah a piakik hi.

Luka 9:39

Dawi in amah man a, thakhat thu-in kiko gawp hi. A cilphuan a buak dongin kongkawcipsak a, gimsak gawp a, nusia nuam lo hi.

Luka 8:24

Nungzuite in Jesu hong naihin phong uh a, “Topa aw, Topa aw, kote ka si dektak uh hi,” a ci uh hi. Jesu zong tho-in huihpi le tui kilok a daih nadingin thu pia a, a thupiak bangin hong dai dide pah hi.

Marka 9:26

A dawi nakpi takin kiko-in naupang a kongkawtsak khit ciangin a tai khia hi. Naupang pen misi tawh kibangin omcip ahih manin mi khempeuh in, “Si ta hi,” a ci uh hi.

Marka 1:26

Dawi gilo in tua mipa kongkaw sakin a linsak gawp khit ciangin nakpi takin awngin ama sung panin a paikhia hi.

Mattiu 17:18

Jesu in tua naupangʼ sung panin dawi a paikhiat nadingin thu pia a, a naupang thakhatin a dam pah hi.

Zekhariah 3:2

Topaʼ vantungmi in Satan kiangah, “Satan aw, Topa in nang hong mawhsak hi. Jerusalem a it Topa in nang hong mawhsak hi. Hih Joshua pen meikhuk sung panin a kiteen khia singkhuah tawh kibang hi,” a ci hi.

Late 50:16

Ahih hangin migilote tungah Pasian in thu gen a, “Ka thukhamte lawhna ding ka thuciamna na muk uh tawh gen nading thu nei na hi uh hiam?

Marka 4:39

Jesu zong tho-in, “Nung nawn kei in,” ci-in huihpi thu pia a, tuihualte kiangah, “Kilok nawn kei un,” a ci hi. Tua ciangin huihnung khawlin dai khipkhep pah hi.

Luka 4:23

Tua ciangin Jesu in amaute kiangah, “Paunak khat ah, ‘Zato pa aw, nangmah kidamsak tawm in,’ a cihna thu kei tungah nong cih nop ding uh ka thei hi. ‘Kapernaum khua ah na bawl thu ka zakte uh zong hih lai na khua ah hong bawl in,’ zong nong ci nuam ding uh hi,” a ci hi.