Luka 4:34 - Tedim Bible Revision 2017

³⁴ “Nazareth khuami Jesu aw, kote tawh bang kisai ihi hiam? Kote a susia dingin hong pai na hi hiam? Pasianʼ mi siangtho na hih lamtak ka hong thei uh hi,” a ci hi.

Tedim Bible

³⁴ Amah in, “Nazareth mi Zeisu aw, kote in nang tawh bang kikum i hi hiam? Kote susia dingin hong pai na hi hiam? Nang kua mi na hih ke’n kong thei hi. Pasian’ misiangtho na hi hi,” ci-in aw lianpi tawh a kiko hi.

Luka 4:34 Referans Kwoze

Jeim 2:19

Pasian khat bek om hi, ci-in na um hi. Tua pen hoih mahmah hi. Dawite nangawn in zong tua bangin umin lau-in liing deldel uh hi.

Marka 1:24

“Nazareth khuami Jesu aw, kote tawh nang bang kisai ihi hiam? Kote a susia dingin hih lai ah hong om na hi hiam? Pasianʼ mi siangtho na hih lam kong thei hi,” ci-in a kiko hi.

Mattiu 8:29

Amaute nakpi takin hong kiko uh a, “Pasianʼ Tapa aw, kote bang hong nuammawh na hi hiam? A hun tung nai lopi-in kote gim a pia dingin hong pai na hi hiam?” a ci uh hi.

Sawltak 3:14

Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Mangmuhna 3:7

“Filadelfia khua pawlpi vantungmi kiangah lai gelh inla, Davidʼ tawhtang kemin, ama hon sa kong kuamah in a khak zawh loh, ama khak sa kong kuamah in a hon zawh loh, a thuman a siangtho paʼ thugen in:

Luka 4:41

Mi tampi sung panin dawite zong tai khia uh a, “Nang pen Pasianʼ Tapa na hi hi,” ci-in a kiko uh hi. Amah pen Khris ahih lam thei uh ahih manin amaute taii-in pausak lo hi.

Luka 1:35

Vantungmi in, “Nangma tungah Kha Siangtho hong tung dinga, nangma tungah Pasianʼ vangliatna hong om ding hi. Tua ahih manin a hong suak ding a siangtho naungek pen Pasianʼ Tapa kici ding hi.

Mangmuhna 20:2

Amah in tanglai gulpi, Dawimangpa ahih kei leh Satan zong a kici pa manin kum tul khat sung a hencip hi.

1 JOHAN MASA 3:8

A kipat cil a kipanin Dawimangpa in mawhna bawl tawntung ahih manin mawhna a bawl mi khempeuhte zong Dawimangpaʼ mi ahi hi. Hih Dawimangpaʼ nasepna a beisak dingin Pasianʼ Tapa a hong pai hi.

Hebru 2:14

Tate a cih mite pen leitung cilesa a nei mite ahih manin, ama sihna hangin sihna a uk Dawimangpa a suk gawp theih nadingin Jesu in mihing pianzia mah hong nei phot hi.

Sawltak 16:39

amau mahmah va pai-in a va thum khit uh ciangin thong sung panin khah khia uh a, tua khua panin a paikhiat nadingun a thum uh hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Sawltak 2:27

Bang hang hiam cih leh misiteʼ gamah kei nong nusiacip kei dinga, na nasem keimah muatna nong thuaksak kei ding hi.

Luka 8:37

Tua ciangin Gadara gam kiim a om khempeuh lau mahmah uh ahih manin Jesu a paikhiat nadingin a sawl uh hi. Jesu zong gunkuang tungah tuangin a ciah hi.

Luka 8:28

Jesu a muh ciangin nakpi takin awngin a mai ah khukdin a, “A Lian Pasianʼ Tapa Jesu aw, kei bang hong nuammawh na hi hiam? Kei, gim nong piak loh nadingin kong thum hi,” ci-in nakpi takin a kiko hi.

Marka 5:7

nakpi takin kiko-in, “A Lianpen Pasianʼ Tapa Jesu aw, kei bang hong nuammawh na hi hiam? Kei, gim hong pia kei in, ci-in Pasianʼ min tawh kong thum hi,” a ci hi.

Marka 1:34

Jesu in natna namkim a vei mi tampi damsak a, dawi tampi tak zong a hawl khia hi. Dawite in Jesu thei uh ahih manin, Jesu in dawite thu gensak lo hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Late 16:10

Bang hang hiam cih leh Leinuai nong zuansak kei a, na mihoih pa Leihawmpi na musak kei hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

1 KUMPI MASATE 17:18

Tua ciangin amah in Elijah kiangah, “Pasianʼ mipa aw, keiʼ lang khat ah bang thu nei na hi hiam? Ka khialhna a pholak ding ka tapaʼ sihna a piangsak dingin kei kiangah nong pai hi,” a ci hi.

Luka 4:33

Kikhopna inn sungah dawivei mi khat om a, nakpi takin kiko-in,