Luka 4:25 - Tedim Bible Revision 2017

²⁵ A taktakin ci lehang, Elijahʼ hun lai-in kum thum le alang sung guah zu lo a, gam sung khempeuh ah kialpi a tun hun laitakin Israel gam sungah meigong numei tampi tak om hi.

Tedim Bible

²⁵ Ahih hangin ke’n aman takpi kong cih-inah, Elijah khan’ lai-in kum thum leh kha guk tawntung guahtui kang a, gam sung khempeuh ah kial a tun’ lai takin, Israel mipawlte lakah meigong tampi a om uh hi.

Luka 4:25 Referans Kwoze

Jeim 5:17

Elijah zong eite mah bangin mi mawkmawk hi napi-in, guah a zuk loh nadingin lungsim takpi tawh thu a nget ciangin kum thum le kum lang sung tua gam sungah guah zu lo hi.

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Mattiu 20:15

Keima sum pen keima ut bangin ka zat theih ding hi lo ahi hiam? Tua ahih kei leh kei ka cit manin na heh suak ahi hiam?’ a ci hi.

Isaiah 55:8

Bang hang hiam cih leh keima ngaihsutnate nomauʼ ngaihsutna bang hi lo a, keima pai ziate nomauʼ paizia bang hi lo hi, Topa in ci hi.

Luka 10:21

Tua laitakin Kha Siangtho in lungdamna tawh Jesu kidimsak hi. Jesu in, “Vantung le leitung Topa ahi ka Pa aw, mipilte le misiamte tungah na ip thute, bangmah a thei lo hih mite tungah lak na hih manin ka nuam hi. Bang hang hiam cih leh hih thu pen nangma deihna bang ahi hi,” a ci hi.

Efesa 1:11

Na khempeuh, Pasianʼ ngaihsutna le a geel sa bangin a piang hi. A cil pek a kipanin a ngaihsut sa thu tawh kizui-in Khris tawh i kipawlna hangin Pasianʼ tate ihih nadingin Pasian mah in a hong seh sa ihi hi.

Efesa 1:9

Pasian in a pilna le a thumuhnate zangin ama geel sa bangin hong sem a, Khris zangin a sepnop thusim teng eite tungah hong kilangsak hi.

ROM (Romans) 9:20

Lawmte aw, ahi zongin kua in Pasianʼ thu nial ngam ding na hi uh hiam? Beel in amah a seek pa kiangah, “Bang hangin tua bangin hong seek na hi hiam?” ci ngei lo hi.

ROM (Romans) 9:15

Bang hang hiam cih leh Pasian in Moses kiangah, “Ka hehpih nopte ka hehpih dinga, ka khasiat nopte ka khasiat ding hi,” ci hi.

Mangmuhna 11:6

Amauteʼ ut hunhunin a thugen laitakun guah zu losak thei uh a, tuite sisan a suahsak theih nadingun vangliatna nei uh a, leitungah gimna a tuamtuam tungsak thei uh hi.