Luka 4:2 - Tedim Bible Revision 2017

² Dawimangpa in ni sawm li sung a ze-et hi. Tua hunsung Jesu in bangmah ne lo a, tua ze-etna hun a bei ciangin a gil kial mahmah hi.

Tedim Bible

² ni sawmli tawntung dawimangpa in a kheem hi. Tua hun sung khempeuh Zeisu in an ne lo a, a ni a cin’ ciangin a gil kial hi.

Luka 4:2 Referans Kwoze

1 KUMPI MASATE 19:8

Tua ciangin amah tho a, an ne-in tui dawn a, tua an thahatna tawh Pasianʼ mual Horeb ciang dong sun sawm li le zan sawm li sung a pai hi.

Paikhiatna 34:28

Tua lai ah sun sawm li le zan sawm li sung Topa tawh Moses om a, tua hun sungteng anletui a ne kei hi. Amah in suangpek tungah thuciamna kammalte ahi thupiak sawmte a gelh hi.

Hebru 4:15

Eiteʼ neih Siampi Lianpen pa in i ginat lohna ah eite a hong hehpih thei lo ding hi lo hi; eite mah bangin ze-etna khempeuh a thuak hi a, ahi zongin mawhna a bawl lo ahi hi.

Hebru 2:18

Ama pumpi mahmah in ze-etna le gimna thuak ahih manin tu hun ciangin tua bang a thuakte a hong huh thei hi.

Thu-hilhkikna 9:9

Topa in note tawh a bawl thuciamna suangpeekte a sang dingin mual tungah ka pai toh lai-in, mual tungah sun sawm li le zan sawm li sung ka om a, an ne lo, tui dawn loin ka om hi.

Johan 4:6

Tua lo sungah tuikhuk khat om a, a khualzinna-in Jesu gim ahih manin a tuikhuk gei ah a tu hi. Tua hun pen sunkim laitak ahi hi.

Thu-hilhkikna 9:18

Tua ciangin a masa-a bangin sun sawm li le zan sawm li sung Topaʼ mai ah kunin ka om a, ama heh nadingin phinin, Topaʼ muhna ah a sia gamtatna tawh noteʼ khialhnate khempeuh hangin an ne lo, tui dawn loin ka om hi.

Mattiu 21:18

A zingsang ciangin khuapi zuanin hong paikik laitakin Jesu a gil a kial hi.

Mattiu 4:2

Jesu in sun sawm li le zan sawm li sung an ne loin om khin ahih manin a gil a kial hi.

Jonah 3:7

Tua ciangin amah in Nineveh khua sung khempeuh ah thu thangsakin taangkosak a, “Kumpipa le ulianteʼ thu tawh: Mihing ahi a, ganhing ahi zongin, bawng hon ahi a, tuu hon ahi zongin, kuamah in bangmah ciam thei lo ding, an ne thei lo ding, tui dawn thei lo ding uh hi.

Esther 4:16

“Pai-in Susa khua sunga om Jew mi khempeuh khawm inla, keimah ngaihsutna-in an na tang un. A sun a zan ci loin ni thum sung an ne lo, tui dawn loin na om un. Na tan uh mah bangin kei le ka nasem numeite in zong ka na tang ding uh hi. Tua khit ciangin ngeina ahih loh hangin kumpipa kiangah ka va pai dinga, ka sih leh zong a si ka hi ding hi,” a ci hi.

1 SAMUEL MASA 17:16

Ni sawm li sung zing le nitakin Filistia-pa hong pai-in hong ding zelzel hi.

Thu-hilhkikna 9:25

“Tua ahih ciangin Topa in note ka susia ding ci ahih manin hih sun sawm li le zan sawm li sung Topaʼ mai ah kunin ka om hi.

Paikhiatna 24:18

Meii sungah Moses tum a, mual tungah pai to hi. Moses sun sawm li le zan sawm li sung mual tungah a om hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Luka 4:3

Dawimangpa in Jesu kiangah, “Pasianʼ Tapa na hih takpi leh hih suang anlum suaksak in,” a ci hi.