Luka 4:17 - Tedim Bible Revision 2017

¹⁷ a nget bangin a sim dingin kamsang Isaiah Lai Siangtho bu a kipia hi. A laibu lemin a sim nopna mun a zon ciangin a nuai-a bangin a kigelhna mun mu-in a sim hi. Tua munah,

Tedim Bible

¹⁷ Kamsangpa Isaiah’ Lai Siangtho a kipiak ciangin phen a:

Luka 4:17 Referans Kwoze

Sawltak 13:15

Kikhopna inn ukte in Moses Thukham Laibu sung le kamsangteʼ laibute a sim khit uh ciangin amaute kiangah, “Sanggamte aw, mihonte tungah hanthotna kam na gen nop uh leh thu nong gen ding uh ka deih uh hi,” a cisak uh hi.

Sawltak 7:42

Tua ahih manin kamsangte laibu sungah, ‘Israel mite aw, gamlak ah kum sawm li sung, gan go-in biakna na piakte uh kei tunga nong piak uh hi lo hi. Note in na puak uh puanbuk pen Molok pasian milim puanbuk le noteʼ aksi pasian Refanʼ puanbuk ahi hi. Tuate pen na biak dingun noteʼ bawl tawm milim ahih manin Babylon khuapi khen pekah salin ka hong paisak ding hi,’ ci-in a kigelh mah bangin Pasian in amaute nungngat a, van a om aksite a bia dingin amaute a sawl khia hi.

Sawltak 13:27

Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.

Luka 20:42

Bang hang hiam cih leh David mahmah in La Bu sungah, ‘Topa in keima Topa tungah thu gen a: Na galte, na khe nuai ah ka koih matengin ka tak lamah tu in,’ ci hi.

Luka 4:16

Tua ciangin ama khanna Nazareth khua ah Jesu pai a, Sabbath ni ciangin a pai ngei bangin kikhopna inn ah a pai hi. Lai Siangtho a sim dingin amah dinga,

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Luka 4:20

Hih thu a kigelhna mun teng a sim khit ciangin a laibu khupin biakinn nasem pa tungah piakikin a tu hi. Kikhopna inn sungah a om mi khempeuh in limtakin amah a en uh hi.

Luka 16:29

Ahi zongin Abraham in, ‘Na sanggamte a hilh dingin Moses le kamsangte om uh ahih manin tuateʼ thugen na ngai ta uh hen,’ a ci hi.