Luka 4:1 - Tedim Bible Revision 2017

¹ Kha Siangtho tawh a kidimin Jordan gun panin Jesu hong kilehkik a, Kha Siangtho in gamlak ah paipihin,

Tedim Bible

¹ Zeisu in Kha Siangtho tawh kidimin Jordan gun pan a ciah ciangin, Kha Siangtho in gampa lakah paipih a,

Luka 4:1 Referans Kwoze

Sawltak 10:38

Nazareth khuami Jesu tungah Pasian in Kha Siangtho le vangliatna pia a, Pasian in a ompihna hangin tua Jesu in a paina khempeuh ah na hoih semin, Dawimangpa in a gimsak mite khempeuh a damsakna thu zong na thei uh hi.

Luka 4:18

“Gimna a thuak mite tungah Lungdamna Thu a hilh dingin Topa in kei hong seh khin ahih manin keima sungah Topaʼ kha hong om hi. Salin a kimante tungah suahtakna thu a gen ding, mittawte in khua a muhkik theih nading, a kinengniamte a suaktasak ding le

Isaiah 61:1

Gimna a thuak mite tungah thuhoih a puak dingin Topa in kei hong teelin hong sawl ahih manin keima sungah Topa Pasian’ kha hong om hi. Lungsim kitamzante a damsak ding, salin a kimante tungah suahtakna thu a gen ding, a kikhum mite adingin thong kong a hong ding,

Johan 3:34

Pasian in a sawl mipa tungah ama Kha a kicingin pia ahih manin a sawl mipa in Pasianʼ thugente mah a gen ahi hi.

Johan 1:32

Johan in hih mipa thu teci na pang a, “Vantung panin vakhu bangin Kha hong pai sukin ama tungah a om ka mu hi.

Mattiu 3:16

Jesu a kituiphum khit phetin tui sung panin a paikhia pah hi. Tua laitakin vantung hong kihong a, vakhu bangin Pasianʼ Kha Siangtho hong kum sukin ama tungah a khawl a mu hi.

Ezekiel 3:14

Pasianʼ kha in hong paikhiatpih laitakin lungkim het loin ka heh suak mahmah hi. Ahi zongin Topaʼ vangliatna in kei hong zo zaw hi.

Luka 4:14

Tua ciangin Kha Siangtho vangliatna tawh a kidimin Galilee gamah Jesu a ciahkik hi. Tua kiim a om gam khempeuh ah ama thu kizakim hi.

Sawltak 8:39

Tui sung panin a paikhiat khit uh ciangin Topaʼ Kha Siangtho in Filip paikhiatpih hi. Mangpa in Filip mu nawn lo hi; ahi zongin lungdam takin a lampai a zom hi.

1 KUMPI MASATE 19:4

Ahih hangin a mahmah gamlak ah ni khat lam pai lai-in poding kung nuai khat ah a tu hi. Tua ciangin amah in a sih nading thu ngenin, “Pha zo hi; tu-in Topa aw, ka nuntakna hong la ta in; bang hang hiam cih leh ka pate sangin kei ka hoih zaw kei hi,” a ci hi.

Luka 2:27

Kha Siangthoʼ makaihna tawh biakinn sungah Simeon a pai hi. A nu le a pate in thukham sunga om ngeina bangin Topa tungah naungek a ap dingin biakinn ah a hong paipih uh ciangin,

Luka 3:3

Tua ahih ciangin Jordan Gun kiim gam khempeuh ah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.

1 KUMPI MASATE 18:12

Nang kiang panin kei ka paikhiat phetin ka theih lohna munah Topaʼ kha in nang hong pua ding hi. Kei va pai-in Ahab kiangah genin amah in nang hong muh loh ciangin, ka khangno lai a kipanin keimah na nasem pa in Topa a zahtak hi napi-in, amah in kei hong that ding hi.

Luka 3:38

Kainanʼ pa Enos, Enosʼ pa Seth, Sethʼ pa Adam, Adamʼ pa Pasian ahi hi.