Luka 3:8 - Tedim Bible Revision 2017

⁸ Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Tedim Bible

⁸ Tua ahih ciangin kisikkikna tawh kilawm gah na gah un. ‘Abraham ka pa uh hi,’ ci-in na lungsim sung uh ah lungngaih ding na kipan kei un. Ke’n kong cih-inah, Pasian in hih suangte nangawn zong Abraham’ tate a suaksak thei hi.

Luka 3:8 Referans Kwoze

Sawltak 26:20

Mite a mawhna uh panin kisikin Pasian kiang a zuat nading uh le a kisikna uh a kilatsak nadingun a gamtat ding uh a masa-in Damaskas khua ah thu hilhin, a zomin Jerusalem khua ah, tua ciangin Jew mite omna gam khempeuh le Gentail mite lakah thu ka hilh hi.

Mattiu 21:43

Tua ahih ciangin note kiangah kong genin ah: Note pen Pasian hong ki-uksak nawn lo dinga, a kilawmin a gamta ding mite bek Pasian in uk ding hi.

Filippi 1:11

Jesu Khris in note mihoih a hong suahsak theihna le mite in Pasian pahtawi-in a phat theihna thu, noteʼ gamtat hoih in midangte tungah kilangsak ding hi.

ROM (Romans) 9:7

Abrahamʼ suanlekhak khempeuh zong Pasianʼ tate hi kim lo hi. Pasian in Abraham kiangah, “Na ta Isaacʼ suanlekhakte bek nangma suanlekhak-in kisim ding hi,” ci hi.

ROM (Romans) 4:16

Tua ahih manin Abrahamʼ suanlekhakte khempeuh tungah Pasianʼ hehpihna piakkhong a suah theih nadingin Thukham a zuite bek in ngah loin, Abrahamʼ up bangin a umte in zong a ngah theih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuhʼ pupi ahi hi.

Luka 19:40

Jesu in, “Keʼn kong cih in ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Johan 8:33

amaute in, “Kote Abrahamʼ suanlekhakte ka hi uh a, cikmahin kuama salin ka omngei kei uh hi. Tua ahih manin bang hangin, ‘Note suakta ding,’ hong cithei na hi hiam?” a ci uh hi.

Johan 8:39

Amaute in, “Koteʼ pa Abraham ahi hi,” ci-in a dawn uh ciangin Jesu in, “Abrahamʼ tate taktak hi le-uhcin Abrahamʼ gamtat bangin na gamta ding uh hi.

Ezekiel 33:24

“Mihing ahi Ezekiel aw, Israel gam khuapi siate sungah a teeng mite in, ‘Abraham, mi khat bek hi napi-in gambup kipia hi. Tu-in eite a tampi ihih ciangin hih gam pen eima aʼ hi taktak hi,’ ci uh hi.

Mattiu 3:8

Na kisikkikna uh a kilangsak ding gamtatna gamta unla,

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Luka 5:21

Tua ciangin Thukham hilh siate le Farisi mite in a lungsim sung uh ah, “Hih bangin Pasian tawh a kikimin a pau ngam mipa kua ahi hiam? Mihing kuamah in mawhna maisak thei lo a, Pasian bek in maisak thei hi,” a ci uh hi.

Luka 13:25

Inn nei pa hong tho-in kong hong khak ciangin, note kong pua lamah dingin kongkhak na kiu ding uh a, ‘Topa aw, kote zong kong hong hon in,’ na ci ding uh hi. Amah in, ‘Note koi lai panin a hong pai na hi uh hiam kong thei kei hi,’ ci-in hong dawng ding hi.

Luka 13:26

Note in, ‘Nangmah tawh an ne tui dawnkhawmin i om a, ka khua sung uh ah thu nong hilh hi,’ na ci ding uh hi.

Luka 14:9

innteek pa in note kiangah, ‘Hih lai ah amah tusak zaw ni,’ hong ci ding hi. Tua ciangin mi nautangteʼ tutna munah maizumpi in na tu suk ding uh hi.

Luka 19:9

Tua ciangin Jesu in ama kiangah, “Tu ni-in hih innkuan in hotkhiatna a ngah hi. Hih mipa pen Abrahamʼ suante khat zong hi lai hi.

Nehemiah 5:11

Tu ni mahmah in a lote, a oliv lote, a innte uh le a meetin na lak uh sum, an, leenggahzu le sathaute, amaute tungah piakik un,” ka ci hi.