Luka 3:6 - Tedim Bible Revision 2017

⁶ Mi khempeuh in Pasianʼ hotkhiatna ngah ding uh hi,’” ci-in a kigelh hi.

Tedim Bible

⁶ Mi khempeuh in Pasian’ gupna thu a thei ding uh hi,” ci-in a gelh hi.

Luka 3:6 Referans Kwoze

Isaiah 52:10

Topa in minam khempeuh mai ah a vangliatna siangtho zangin ama mite hon khia hi. Leitung mi khempeuh in i Pasianʼ hotkhiatna mu ding uh hi.

Isaiah 40:5

Topa’ kam in gen khin ahih manin, Topa’ minthanna vang hong kilang dinga, mi khempeuh in mu khawm ding uh hi,” a ci hi.

Isaiah 49:6

Amah in, “Jakob minamte a laam to ding le a suakta lai Israel mite a ngei uh a bangsakkik dingin keima nasem na hihna pen a baih lua mahmah nasep ahi hi. Keima hotkhiatna in leimong dong a phak theih nadingin minam dangte tungah khuavak ahi dingin nang kong pia ding hi,” hong ci hi.

ROM (Romans) 10:18

Tua ahihleh amaute in thu za lo uh ahi hiam? Lai Siangtho sungah, “Amauʼ awgingte leitung khempeuh ah kizel a, a thugente uh in mun khempeuh a ban hi,” ci-in a kigelh mah bangin amaute in thu za khinzo uh hi.

ROM (Romans) 10:12

Bang hang hiam cih leh Jew mi le Gentail mi a kideidanna om lo ahih manin Topa pen mi khempeuhʼ Topa hi kim a, ama kiangah a ngen khempeuh tungah thupha tampi tak a pia hi.

Marka 16:15

Tua khit ciangin amaute tungah, “Leitung khempeuh ah note pai kawikawi unla, mi khempeuh tungah Lungdamna Thu na hilh ta un.