Luka 3:3 - Tedim Bible Revision 2017

³ Tua ahih ciangin Jordan Gun kiim gam khempeuh ah Johan pai kawikawi a, kamsang Isaiah in Lai Siangtho sungah a gelh mah bangin, “Na mawhna panun kisik unla tui kiphum un. Tua hileh Pasian in na mawhnate uh hong maisak ding hi,” ci-in thu a hilh hi.

Tedim Bible

³ Kamsangpa Isaiah’ Lai Siangtho sungah a kigelh mah bangin Johan in Jordan gun dungah vak kawikawi a, mawhna maisak nading kisik kikna tawh kituakin baptaizna thu a hilh hi.

Luka 3:3 Referans Kwoze

Luka 1:77

Na mawhna uh hong kimaisak khit ciangin, hotkhiatna na ngah ding uh hi, ci-in ama mite kiangah na gen ding hi.

Sawltak 22:16

Tu-in bang ngak lai ding na hi hiam? Tho inla, Pasian kiangah thu ngenin kituiphum inla, na mawhnate silsiangsak in,’ hong ci hi.

Sawltak 19:4

Tua ciangin Paul in, “Johanʼ hilh tuiphumna pen mawhna a kisik mite ading ahi hi. Amah in Israel mite kiangah, ‘Keima nung a hong pai ding pa Jesu um un,’ ci-in gen hi,” a ci hi.

Sawltak 13:24

Jesu in nasep a kipat ma-in, a mawhna panun kisikin tui a kiphum nadingun Johan in Israel mi khempeuh tungah thu a hilh hi.

Johan 3:26

Tua ahih manin Johan nungzuite a kiangah hong pai uh a, “Sia aw, Jordan Gun gal khat ah na om khawm pih ngei pa, ama thu na genna na phawk lai hiam? Tu-in amah in mi tui phumphum a, mi khempeuh in amah zuan uh hi,” ci-in a gen uh leh

Mattiu 3:11

Na kisikkik khitna uh a kilat nadingin tui sungah note ka hong phum a, ahi zongin kei nungah a hong pai pa in Kha Siangtho le mei sungah note hong phum ding hi. Tua a hong pai ding pa pen kei sangin nakpi takin lian zaw a, ama khedap a tawisak ding nangawnin ka kilawm zo nai kei hi.

Johan 1:28

Hih bang thu kidotna a pianna mun pen Johan in mite tui phumin a omna, Jordan Gun gal a om Bethany khua ahi hi.

Luka 1:16

Amah in Israel mi tampi tak, amauʼ Topa Pasianʼ kiangah tunpihkik ding hi.

Luka 4:1

Kha Siangtho tawh a kidimin Jordan gun panin Jesu hong kilehkik a, Kha Siangtho in gamlak ah paipihin,