Luka 3:23 - Tedim Bible Revision 2017

²³ Nasep a kipat ciangin Jesu ama khan kum sawm thum bang a pha hi. Mite in ama pa Josef hi, ci-in a ngaihsun uh hi. Josefʼ pa Heli,

Tedim Bible

²³ Zeisu in thuhilh a kipat ciangin kum sawmthum bang a pha hi. Mite upna bangin Zeisu in Josef ta ahi hi. Josef in Heli’ ta hi,

Luka 3:23 Referans Kwoze

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

Gamlak-vakna 4:3

kikhopna buk sungah na a sem thei ding kum sawm thum pan kum sawm nga a pha mi khempeuh sim in.

Sawltak 1:1

Lawm Theofilas aw, Lai ka hong gelh masakna sungah Jesu in nasep a kipat tung a kipanin vantungah amah a kilaktoh hun ciang dong, a thuhilhna le a septe khempeuh cing takin ka gelh hi. Ama sawltak dingin a teel sa mite, Kha Siangtho tungtawnin thu a vaikhak khit ciangin vantungah amah kila to hi.

Johan 6:42

“Hih Jesu pen a nu le a pa i theih hi a, Josefʼ tapa hi lel hi lo ahi hiam? Tua hi napi-in bang hangin, ‘Vantung panin ka hong pai,’ cithei peuhmah ahi hiam?” ci-in a kiphunsan uh hi.

Luka 4:22

Amaute khempeuh in Jesu thupi sa mahmah uh a, thugen siam sa mahmah uh ahih manin, “Hih pa, Josefʼ tapa hi lel hi lo ahi hiam?” a ci uh hi.

Marka 6:3

Amah khutsiam pa hi lel a, Mary’ tapa hi lo ahi hiam? James, Josef, Judas le Simon-teʼ u hi lo ahi hiam? A nau numeite zong hih lai mah a om hi lo ahi uh hiam?” a ci uh hi. Tua hi a, amah sang zo lo uh hi.

Mattiu 4:17

Tua hun a kipan Jesu in thuhilh ding kipan a, “Vantung ki-ukna hong nai ta ahih manin kisikin na om zia uh kheel un,” ci-in thu a hilh hi.

Mattiu 1:16

Jakob ta Josef hi a, Josef pen Khris a kici Jesuʼ nu Mary’ pasal ahi hi.

Piancilna 41:46

Egypt kumpipa Faroʼ nasemin a tum hunin Josef kum sawm thum pha hi. Faroʼ omna panin Josef paikhia a, Egypt gam sung khempeuh ah zin hi.

Luka 3:31

Eliakimʼ pa Melea, Meleaʼ pa Menna, Mennaʼ pa Mattatha, Mattathaʼ pa Nathan, Nathanʼ pa David,

Mattiu 1:6

Jessi ta kumpi David ahi hi. David ta Solomon, Uriahʼ zi Bathsheba tawh a neih pen ahi hi.

Mattiu 1:1

Abrahamʼ suan David, Davidʼ suan Jesu Khrisʼ khang ciaptehna hih bang ahi hi.

2 SAMUEL NIHNA 5:4

Gam uk dingin a kipatin David kum sawm thum pha a, amah in kum sawm li sung uk hi.

Luka 2:48

A nu le a pa in a muh uh ciangin lamdang sa uh a, a nu in, “Ka ta aw, bang hangin hong hici bawl na hi hiam? Na pa tawh lungkham mahmah in nang ka hong zong uh hi,” a ci hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.