Luka 3:17 - Tedim Bible Revision 2017

¹⁷ A buh cil sate a zapsiang nadingin amah in a khut sungah lawhpi tawi a, a tak teng ansal sungah koihin, a si teng a mit ngei lo mei sungah a khul ding hi,” ci-in a gen hi.

Tedim Bible

¹⁷ Ama buh phual a zapsiang nadingin a khutin lawhpi a tawi hi. A tak teng a sal sungah koih ding hi. A site ahih leh, mit ngeilo mei-in hal ding hi,” ci-in a hilh hi.

Luka 3:17 Referans Kwoze

Mattiu 13:30

Anlak hun mateng a nam nihin tua ci om phot hen. Anlak hun ciangin anlate kiangah, “Tahumte bot masa unla, meikhuk ah khul dingin lomhen un. Ahi zongin taangte la-in ka ansal ah hong sung un,” ka ci ding hi,’ ci hi,” a ci hi.

Micah 4:12

Ahi zongin hih minamte in Topaʼ lungsim tawng thei lo uh a, ancilna phualah anphalte kaihkhop bangin amaute kaikhawmin, a cil gawp ding ahih lam phawk lo uh hi.

Jeremiah 15:7

Na gam sung khua kongpite ah huihpiʼ mut bangin note kong mut mang ding hi. Na tate uh ka beisak dinga, ka mite ka susia ding hi. Bang hang hiam cih leh na gitlohna uh le na om dan hoih lo panun na kiheikik kei uh hi.

Late 1:4

Migilote ahihleh tua bang hi lo uh a, huih in a letkhiat anvai tawh kibang lel uh hi.

Mattiu 3:12

Amah in a khut ah anzapna tawi-in a ante zap a, a taksate khawmin a ansal sungah koih dinga, a ansite ahihleh a mit ngei lo mei sungah a khul ding hi,” ci-in thu a hilh hi.

Isaiah 30:24

Lo a kho bawngtalte le late in kawbia le tu-ka tawh a kitok sa an al ne ding uh hi.

Luka 3:18

Tua bangin a lam tuamtuamin Johan in mite hanthawnin Lungdamna Thu a hilh hi.