Luka 24:41 - Tedim Bible Revision 2017

⁴¹ Amaute nuam lua kisa-in lamdang sa-in um zo lo phialin a om laitakun, “Nek theih khat peuhpeuh na nei uh hiam?” ci-in a dot ciangin

Tedim Bible

⁴¹ Amaute in lamdang sa uh a, lungdam lua ahih uh ciangin um zo lo lailai-in, “Note in nek ding khatpeuh na nei uh hiam?” ci-in a dot khit ciangin;

Luka 24:41 Referans Kwoze

Johan 21:5

Jesu in amaute kiangah, “Tangvalte aw, ngasa na man uh hiam?” ci-in a dot leh amaute in, “Bangmah ka man kei uh hi,” ci-in a dawng uh hi.

Johan 16:22

Note zong tua mah tawh na kibang ding uh hi. Note zong tu-in na dah uh hangin note tawh kimukik ding ihih manin na lung uh dam mahmah dinga, tua na lungdamna uh kuamah in hong beisak thei lo ding hi.

JOB (Job) 9:16

Thukhen zumah amah samin hong pai hi ta mah leh zong ka thumna hong ngai dingin ka um tuan kei hi.

Marka 16:11

Ahi zongin Jesu a nuntakna thu le tua nu mahmah in a muh khitna thu a genna a zak uh hangin, a thugen um zo lo uh hi.)

Marka 16:13

Hih tegel zong kilehkikin a lawm dangte uh kiangah gen uh a, ahi zongin amauʼ thugen, na um lo uh hi.)

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Luka 24:11

Ahi zongin hih numeiteʼ thugen pen thu phuahtawm bangin ngaihsun uh a, um lo uh hi.

Luka 24:40

a khut le a khete a lak hi.

Luka 24:42

amaute in zong ngasa haankeu khat pia uh a,

Sawltak 12:14

Peter hi, ci-in a aw-in a theih ciangin nuam lua ahih manin inntual kong nangawn hong loin inn sungah va tai a, inntual kongah Peter ding hi, ci-in a va gen hi.

Marka 8:7

Ngasa neu tawm khat zong nei uh ahih manin Pasian tungah lungdamna a koh khit ciangin hihte zong mipite mai ah a lui nadingun a nungzuite a sawl hi.