Luka 24:30 - Tedim Bible Revision 2017

³⁰ Amaute tawh an ne dingin a tut ciangin Jesu in anlum la a, Pasian tungah lungdamna a koh khit ciangin balnenin amaute a pia hi.

Tedim Bible

³⁰ Sabuai-ah amaute tawh a tutkhawm lai takin khomun la a, hehpihna a phat khit khit ciangin khomun balneenin a pia hi.

Luka 24:30 Referans Kwoze

Mattiu 14:19

lopa tungah mihonte a tut nadingun a sawl hi. Tua ciangin anlum nga le ngasa tawn nih la-in vantung lam en to a, Pasian tungah a lungdamna a ko hi. Tua ciangin anlum balnenin a nungzuite pia a, a nungzuite in mihonte mai ah a lui uh hi.

Luka 24:35

Tua ciangin tua mi nihte in zong a lam pai laitak uh a thupiang teng le anlum a balnen ciangin Topa ahih lamtak a theihnate uh a gen uh hi.

Luka 9:16

Tua ciangin Jesu in anlum nga le ngasa tawn nih la-in vantung lam nga a, Pasian tungah lungdamna ko-in balnen a, mite tungah a lui dingin a nungzuite tungah a pia hi.

Mattiu 15:36

Anlum sagih le a ngasate la-in Pasian tungah lungdamna a koh khit ciangin balnenin a nungzuite tungah pia a, a nungzuite in mihonpite mai ah a lui uh hi.

Sawltak 27:35

Hih bangin thu a gen khit ciangin Paul in anlum la a, amaute khempeuh mai ah Pasian tungah a lungdamna ko-in a anlum balnenin ne dingin a kipan hi.

Johan 6:11

Jesu in anlum la-in Pasian tungah lungdamna a koh khit ciangin mihon a tute lakah a hawm hi. Tua mah bangin ngasa zong hih a, mi khempeuh in a duh zahzah uh a ne ciat uh hi.

Luka 22:19

Tua ciangin anlum la-in Pasian tungah lungdamna a koh khit ciangin amaute tungah pia a, “Hih pen note adingin a hong kipia keima pumpi ahi hi. Keimah nong phawk nadingun na ne un,” a ci hi.

Marka 14:22

Tua bangin an a nek laitakun Jesu in anlum la-in lungdamna a koh khit ciangin balnenin a nungzuite tungah pia a, “Ne un; hih pen keima pumpi ahi hi,” a ci hi.

Marka 8:6

Tua ciangin Jesu in leilak ah mihonte tusak a, a anlum sagih la-in Pasian tungah lungdamna a koh khit ciangin balnenin, mihonpite a lui dingin a nungzuite tungah a pia hi. A nungzuite in zong mihonte a lui uh hi.

Marka 6:41

Tua ciangin Jesu in a anlum nga le a ngasa tawn nihte la a, vantung lam en to-in Pasian tungah lungdamna a ko hi. A anlumte balnen a, mite tungah a piak dingin nungzuite a pia hi. Tua mah bangin ngasa tawn nihte zong amaute khempeuh a hawmsak hi.

Mattiu 26:26

Tua bangin an a nek laitakun, Jesu in anlum la-in lungdamna a koh khit ciangin balnen a, a nungzuite kiangah pia-in, “La unla ne un; hih pen ka pumpi ahi hi,” a ci hi.

Luka 24:29

ahi zongin amau tegel in kho-in, “Tu-in nitak lam hi ta a, ni tum dektak ahih manin ko tawh hong tam khawm in,” a ci uh hi. Tua ahih manin Jesu zong amaute tawh a tam hi.

Sawltak 2:42

Amaute in sawltakte tung panin thu sinin amaute tawh kikhawl uh a, amaute tawh an ne khawmin, thu zong a ngen khawm uh hi.

Sawltak 2:46

Nisimin biakinn ah kikhawm uh a, a innte uh ah an ne khawmin, lungdamna le kiniamkhiatna tawh a ne ciat uh hi.