Luka 24:11 - Tedim Bible Revision 2017

¹¹ Ahi zongin hih numeiteʼ thugen pen thu phuahtawm bangin ngaihsun uh a, um lo uh hi.

Tedim Bible

¹¹ Sawltakte in tua thute a mawkna thu sa uh a, a um kei uh hi.

Luka 24:11 Referans Kwoze

Marka 16:11

Ahi zongin Jesu a nuntakna thu le tua nu mahmah in a muh khitna thu a genna a zak uh hangin, a thugen um zo lo uh hi.)

Luka 24:25

Tua ciangin Jesu in amau tegel kiangah, “Bangzah takin hai a, bang dingin kamsangteʼ thugen um thei lo na hi uh hiam?

Late 126:1

Topa in Zion ah eite hong ciah pihkik ciangin i mang tawh kibang liang hi.

JOB (Job) 9:16

Thukhen zumah amah samin hong pai hi ta mah leh zong ka thumna hong ngai dingin ka um tuan kei hi.

Piancilna 19:14

Tua ahih ciangin Lot pai khia-in a tanute a teenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

Sawltak 12:9

thong sung panin Peter in amah zui-in a paikhia hi. Ahi zongin tua vantungmiʼ gamtatna pen ahi takpi mah ahi hiam cih thei lo ahih manin maang a mu-in kingaihsun hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasianʼ mipa kiangah, “Topa mahmah in vantung tawlette hong hong taleh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu dinga, ahih hangin nang in na ne kha kei ding hi,” a ci hi.

Marka 16:13

Hih tegel zong kilehkikin a lawm dangte uh kiangah gen uh a, ahi zongin amauʼ thugen, na um lo uh hi.)

Marka 16:14

(Tua khit ciangin a tawpna ah, an a nek laitakun nungzui sawm le khatte mahmah kiangah a kilang hi. A kithawhkiksak khit ciangin amah a mu miteʼ thugen um lo uh ahih manin a lungkhauhna uh le a up lohna hangun amaute a taii hi.

Luka 24:41

Amaute nuam lua kisa-in lamdang sa-in um zo lo phialin a om laitakun, “Nek theih khat peuhpeuh na nei uh hiam?” ci-in a dot ciangin