Luka 23:48 - Tedim Bible Revision 2017

⁴⁸ Hih thute a en dingin a hong pai mihonpite in a thupiang teng a muh uh ciangin dahin dip hum sa-in a ciah uh hi.

Tedim Bible

⁴⁸ Tua thu en dinga hong pai mihonpi khempeuhte in, tua thu piangte a muh uh ciangin awm beengin a ciah uh hi.

Luka 23:48 Referans Kwoze

Luka 18:13

Ahi zongin siahdongpa pen a gamla simah dinga, vantung lamah zong dak ngam loin a dip humin kuncip a, ‘Pasian aw, kei mimawh mi khial pa hong hehpih in,’ ci-in a ngen hi.

Sawltak 2:37

Amaute in hih thu a zak uh ciangin a lungsim uh nakpi takin su kha a, Peter le sawltak dangte kiangah, “Sanggamte aw, bangci gamtat ding ka hi uh hiam?” ci-in a dong uh hi.

Jeremiah 31:19

Nangma kiang panin ka paikhiat khit phetin ka kisikkik a, nong thuhilh khit ciangin dahin ka kun hi. Ka neu laitak a ka min siatna teng pua niloh ka hih manin maizumin ka lung-am hi,’ a ci hi.

Luka 8:52

Tua lai-a om mi khempeuh, tua numeinoʼ sihna hangin kapin, thumin na om uh hi. Ahi zongin Jesu in, “Kap nawn kei un, amah a si hi lo hi; a ihmu bek ahi hi,” a ci hi.