Luka 23:25 - Tedim Bible Revision 2017

²⁵ Mi buaisakna le mi thahna hangin thong sungah a kikhia mipa amauʼ ngetna bangin khah a, amauʼ deihna bangin a bawl dingun Jesu a pia khia hi.

Tedim Bible

²⁵ Mi suam a, mi a thah maninah thong sungah a kikhumpa amaute’ ngetna bangin khah a, amau ut bangin a bawl dingun Zeisu a pia hi.

Luka 23:25 Referans Kwoze

Sawltak 3:14

Amah mihoih mi siangtho hi napi-in, amah na nial zawsop uh a, mi that khat a khahkhiat nadingin Pilat kiangah na ngen uh hi.

Marka 15:15

Pilat in mihonte lungkimsak nuam ahih manin Barabbas khah a, Jesu a satsak khit ciangin singlamteh tungah thah dingin galkapteʼ khut sungah a ap hi.

Johan 18:40

amaute awng gawpin, “Hih mipa khah kei in! Barabbas hong khah in!” ci-in a dawng uh hi. (Barabbas pen mi suamin thong kia khat ahi hi.)

Luka 23:5

Ahi zongin amaute in nawhsa takin nak pau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuh ah hong hilh a, tu-in hih lai mun hong tung ta hi,” a ci uh hi.

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Mattiu 27:26

Tua ciangin amauteʼ deihna bangin Barabbas khah a, Jesu ahihleh a sat khit ciangin singlamteh tungah thah dingin a pia khia hi.

1 SAMUEL MASA 12:13

“Tu-in noteʼ teel sa, noteʼ nget kumpipa en un; Topa in noteʼ tungah kumpi khat koih khinta hi.

Luka 23:24

Tua ahih manin amauteʼ ngetna bangin piak dingin Pilat in thu a khen hi.

Luka 23:26

Tua ciangin amaute in Jesu paikhiatpih uh a, gam sung panin khuapi sungah a hong pai, Sairin khuami Simon a kici mi khat tawh a kituak uh hi. Amaute in tua pa man pah uh a, a singlamteh suanin Jesuʼ nung zui-in a puasak uh hi.

Johan 19:16

Tua ahih ciangin singlamteh tungah thah dingin amauteʼ khut sungah Jesu a pia ta hi.

Esther 3:11

Tua ciangin kumpipa in Haman kiangah, “Na sum cihte nangmah kong piakik hi; na mi cihte zong nangma khut sungah kong pia hi; na ut bangbangin bawl in,” a ci hi.