Luka 23:13 - Tedim Bible Revision 2017

¹³ Pilat in zong siampi liante, upate le mihonpite sam khawmin,

Tedim Bible

¹³ Pilat in siampi liante, upate leh mite sam a,

Luka 23:13 Referans Kwoze

Johan 18:38

Pilat in, “Thuman na cih bang ahi hiam?” ci-in a dong hi. Tua ciangin Jew mihonte kiangah Pilat va pai khiakikin amaute kiangah, “Ama khialhna bangmah ka mu kei hi.

Marka 15:14

Tua ciangin Pilat in, “Bang hangin tua ci na hi uh hiam? Bang siatna bawl ahi hiam?” a cih ciangin, “Singlamteh tungah that in,” ci-in a kinakko zaw semsem uh hi.

Johan 19:4

Pilat zong khatvei hong pusuakkikin mihonte kiangah, “Ama khialhna bangmah a mu lo ka hihna thu na theih nadingun note kiangah Jesu ka hong pai khiasak hi,” a ci hi.

Luka 23:35

Jew mi upate in Jesu zahko-in, “Amah in midangte hon khia hi. Pasian teel sa Khris ahih takpi leh amah le amah kihon khia tahen,” ci-in a simmawh bawl laitakun tua lai-a ding mite in a enen uh hi.

Luka 24:20

Ahi zongin ka siampi liante uh le ka uliante un sihna thukhenna a thuak dingin Pilat tungah ap uh a, singlamteh tungah kithat hi.

Johan 3:1

Nikodemas a kici Jew mi ulian khat om a, amah pen Farisi a kici mite pawl ahi hi.

Johan 7:26

Tua hi napi, mihon lakah thu gengen napi-in kuamah in bangmah cih lo uh hi. Uliante in Khris hi, ci-in theihtelna nei uh hi ding hiam?

Johan 7:48

Jew mi uliante hitaleh Farisi mite hitaleh sung panin amah a um, na theih uh om nai ahi hiam?

Johan 12:42

Tua bang hitaseleh Jew mi ulian tampi in Jesu a um uh hi. Ahi zongin Farisi mite in kikhopna inn panin a hawlkhiat ding lau uh ahih manin a kilangin gen khia ngam lo uh hi.

Sawltak 3:17

“Tua ahih ciangin sanggamte aw, note le na makaite uh hih bangin Jesu tungah na gamtatna uh na theih lohna hang uh hi, ci-in ka thei hi.

Sawltak 4:5

A zing ciangin Jew mi makaite, upate le Thukham hilh siate, Jerusalem ah hong kikhawm uh hi.

Sawltak 4:8

Tua ciangin Kha Siangtho tawh kidimin Peter in dawng a, “Makaite le upate aw,

Sawltak 13:27

Jerusalem khua-a a teeng mite le a makaite un Jesu pen Honpa ahih lamtak na thei lo uh a, Sabbath nisimin a kisim niloh kamsangteʼ thu zong na tel lo uh hi. Amaute in Jesu na mawhsak uh ahih manin kamsangteʼ thugente a manin hong tung hi.