Luka 23:10 - Tedim Bible Revision 2017

¹⁰ Siampi liante le Thukham hilh siate in hong neh uh a, Jesu mawhsakna thu nakpi takin hong gen uh hi.

Tedim Bible

¹⁰ Tua lai takin siampi liante leh laitheite ding-in nakpi-in a mawhsak uh hi.

Luka 23:10 Referans Kwoze

Sawltak 24:5

Hih mipa, buaina a piangsak, a kihtakhuai mi ahihna ka mu uh hi. Mun khempeuh a om Jew mite lakah buaina piangsak a, Nazareth mi pawl a kicite a makai pa ahi hi.

Luka 23:5

Ahi zongin amaute in nawhsa takin nak pau semsem uh a, “Amah in mite a buai nadingin thu hilh a, Galilee gam pan hong kipanin Judea gam sung khempeuh ah hong hilh a, tu-in hih lai mun hong tung ta hi,” a ci uh hi.

Luka 23:2

Tua lai panin amah mawh zon ding kipan uh a, “Hih mipa in ka mipihte uh lam khialsakin, kumpipa tungah siah piak loh dingin thu gen a, a mahmah zong Khris ahi kumpi khat ahihna a kigenna zong ka za uh hi,” a ci uh hi.

Luka 11:53

Tua mun panin Jesu a paikhiat khit a kipanin Thukham hilh siate le Farisi mite in nakpi takin Jesu mawh zon ding kipanin thu tampi tak dong uh a,

Mattiu 27:12

Ahi zongin siampi liante le upate in mawhsakna thu a gen hangun Jesu in a dawng kei hi.

Luka 23:9

Tua ahih manin Herod in thu tampi tak dong a, ahi zongin Jesu in kam khat beek dawng lo hi.

Luka 23:11

Tua ciangin Herod le galkapte in Jesu zahko-in simmawh bawl uh a, kumpi puan tualpi a silhsak khit uh ciangin Pilat kiangah a puakkik uh hi.