Luka 22:43 - Tedim Bible Revision 2017

⁴³ Tua ciangin vantung panin ama kiangah vantungmi khat hong pai a, Jesuʼ tha a hatsak hi.

Tedim Bible

⁴³ Vantung panin vantungmi khat hong pai a, Zeisu’ tha a hatsak hi.

Luka 22:43 Referans Kwoze

Mattiu 4:11

Tua ciangin Dawimangpa paikhia a, vantung mite hong pai-in Jesu huhin an a vak uh hi.

Hebru 1:14

Vantung mite pen Pasianʼ na a sem, a kimu thei lo khate hi uh a, hotkhiatna a ngah ding mite a huh dingin Pasian in a hong sawl ahi hi.

Mattiu 26:53

Ka Pa kiangah ngen hi leng, vantung galkapte hon sawm le hon nih val, thakhat thu-in hong puak pah theih ding lamtak thei lo na hi hiam?

Hebru 1:6

Tua banah, Pasian in leitungah a Tapa neihsun hong paisak ding ciangin, “Pasianʼ vantungmi khempeuh in amah bia ding uh hi,” na ci hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Luka 22:32

Ahi zongin, Simon aw, na upna na khahsuah loh nadingin nang adingin thu kong ngetsak khin hi. Kei kiangah nong kiheikik ciangin nungzui na lawmte na hanthawn in,” a ci hi.

Mattiu 4:6

“Pasianʼ Tapa taktak na hih leh Lai Siangtho sungah, ‘Pasian in nang a hong kem dingin a vantung mite hong sawl ding hi. Na khete le suang a kitah khak loh nadingin vantung mite in a khut uh tawh nang hong dom ding hi,’ ci-in kigelh ahih manin, hih lai panin tuak suk in,” a ci hi.

Thu-hilhkikna 3:28

Ahih hangin Joshua thu pia inla, hanthawnin tha khauhsak in; bang hang hiam cih leh hih miteʼ mai ah amah pai dinga, nangmah in na muh ding leitang amaute luahsak ding hi,’ hong ci hi.

Hebru 2:17

Tua ahih manin mihingteʼ mawhna a kimaisak theih nadingin Pasianʼ na a sepna ah mite adingin hehpihna le cihtakna tawh Siampi Lianpen a suah theih nadingin a sanggamte tawh a kibangin mihing lim a hong puak ding a kisam ahi hi.

Sawltak 18:23

Antiok khua ah tawl khat a taam khit ciangin Galatia gam le Frigia gam sungah pai-in thu um mi khempeuh a va tha khauhsak hi.

Daniel 11:1

Israel a cing vantungmi pen kei hong huhpa le a hong dal pa ahi hi,” a hong ci hi.

Sawltak 14:22

Thu um mite a upna uh ah citakin a om nadingun hanthawnin tha pia uh a, “Pasianʼ Ukna sungah i om theih nadingin haksatna tampi thuak ding hi hang,” ci-in a hilh uh hi.