Luka 22:30 - Tedim Bible Revision 2017

³⁰ Keima Ukna sungah an ne tui dawnin sabuai kiimah na tu ding uh a, Israel minam sawm le nihte tungah thu a khen dingin thukhenna tokhom tungah na tu ding uh hi,” a ci hi.

Tedim Bible

³⁰ note zong keima Gam sungah ka sabuai ah an ne-in tui na dawn theih nadingun note thu kong pia ding hi. Note in thukhen tokhom tungah tu-in, Israel mipawl sawm leh nihte tungah thu na khen ding uh hi,” a ci hi.

Luka 22:30 Referans Kwoze

Mattiu 19:28

Jesu in amaute kiangah, “Keʼn limtak a kong genin ah: A hong tung ding hun thak sungah a minthanna tokhom tungah Mihing Tapa a tut hun ciangin kei a hong zui note zong, tokhom sawm le nihte tung mahah tu-in Israel minam sawm le nihte tungah thukhenin na om ding uh hi.

Mattiu 8:11

Nisuahna le nitumna panin mi tampi tak hong pai-in vantung ki-ukna sungah Abraham, Isaac le Jakob-te tawh an ne-in sabuai ah tukhawm ding uh hi.

Mangmuhna 3:21

Keimah zong gualzo-in ka Paʼ tokhom ah ka tut khawm uh mah bangin a gualzote khempeuh zong kei tawh ka tokhom tungah hong tut khawm theih nadingun thu ka pia ding hi.

Luka 14:15

An ne-a a tut pih mite khat in hih thu a zak ciangin Jesu kiangah, “Pasianʼ Ukna sungah an ne-a a tu mite bangzahin mi hampha ahi uh hiam?” a ci hi.

Luka 12:37

A topa hong ciah ciangin a kiging sa-in amah ngakin a om uh a muh nasemte pen mi hampha mahmah ahi uh hi. Note kiangah kong genin ah, a topa zong hong kithawi-in a nasemte an vak dingin tusak dinga, a mahmah in a nasemte an thukin na a sem ding hi.

Mangmuhna 19:9

Tua ciangin vantungmi in keima kiangah, “Hih thu gelh in: Tuunoʼ zi neihna pawi ah a kisam mite a hampha mahmah ahi hi,” hong cih khit ciangin, “Hihte pen Pasianʼ gen taktak kammal ahi hi,” hong ci thuah lai hi.

Mangmuhna 4:4

Tua tokhom kimkot ah tokhom sawm nih le li om a, tuate tungah puan pak silhin kham lukhu a khu upa sawm nih le lite tu uh hi.

Late 49:14

Tua bangin amaute Leinuai-a dingin kiseh hi. Sihna pen amau a cing pa hi ding hi. Han khuk sungah amaute tuak suk suak ding uh a, a mel uh sia dinga, Leinuai, amauʼ inn hi ding hi.

2 SAMUEL NIHNA 19:28

Bang hang hiam cih leh ka to kumpipaʼ mai ah ka paʼ innkuante khempeuh a si zah dong dingin a sia ahi hi. Ahih hangin nangmah in na sabuai ah a ne mite lakah na nasem pa na hong koih hi. Tua ahih ciangin kumpipa tungah ka koh ding thudang bang nei thuah nawn ding ka hi hiam?” a ci hi.

Mattiu 5:3

“Kha thu lamah zawngkhal a kisate sungah vantung ki-ukna thu om ahih manin thupha ngah mi ahi uh hi.

2 TIMOTI NIHNA 2:12

Eite in gimna i thuak paisuak zawh leh amah tawh i uk khawm ding hi. Amah i nial leh amah in zong eite hong nial ding hi.

Jeim 1:1

Pasian le Topa Jesu Khris sila keimah James in Leitung mun khempeuh ah kithehthangin a om minam sawm le nihte tungah hopihna lai ka hong gelh hi.