Luka 22:2 - Tedim Bible Revision 2017

² Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Tedim Bible

² Siampi liante leh laitheite in Zeisu bangci thatlum ding ci-in a zong uh hi. Bang hang hiam i cih leh, amaute in mite a kihta uh hi.

Luka 22:2 Referans Kwoze

Johan 11:57

Bang hang hiam cih leh siampi liante le Farisi mite in Jesu a mat theih nadingun, “Jesu a omna a thei na om uh leh hong ko un,” ci-in thupiakna nei khinzo uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Mattiu 12:14

Ahi zongin Farisi mite paikhia uh a, Jesu a thah theih nading uh vai a hawm uh hi.

Sawltak 4:27

A cih mah bangin Herod le Pontias Pilat in hih khuapi sung teek mahah Gentail mite le Israel mite tawh kikupna nei uh a, nangmah in Khris dingin na bawl, a siangtho na Nasem pa Jesu thah dingin a vaihawm uh hi.

Mattiu 21:38

Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah ding teng eite in la ni,’ a kici uh hi.

Mattiu 26:2

“Na theih sa uh mah bangin tu zawh ni nih khit ciangin Paisan Pawi hun hong tung ta ding hi. Tua ciangin singlamteh tungah thah dingin Mihing Tapa kipia ding hi,” a ci hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesu simmatin a thah theih nading uh lampi a zong uh hi.