Luka 22:15 - Tedim Bible Revision 2017

¹⁵ Tua ciangin Jesu in amaute kiangah, “Sihna ka thuak ma-in note tawh hih Paisan Pawi an i nekkhop ding ka ut mahmah khat ahi hi.

Tedim Bible

¹⁵ Zeisu in, “Ka sih ma-in hih Paisan pawi note tawh nekkhop ka ut mahmah hi.

Luka 22:15 Referans Kwoze

Luka 12:50

Gimna sungah ka kiphum nading khat om a, tua thu a kikhit matengin ka lungsim a nuam thei kei hi.

Johan 13:1

Tu-in Paisan Pawi hun ding ni khat bek in sam a, Jesu in hih leitung nusia-in a Pa kiangah a pai ding hun a tunna thu a thei hi. Hih leitungah a om ama mite it mahmah ahih manin a hih theihna zah ciang tawh a itna a lak hi.

Johan 4:34

Tua ciangin Jesu in, “Keimah hong sawl paʼ deihna bangin na semin, sep dingin hong piak nasep zawhna pen ka nuntakna an ahi hi.

Johan 17:1

Jesu in hih thute a gen khit ciangin vantung lam en to-in, “Pa aw, a hun hong tung ta ahih manin na Tapa in na pianzia hong kilatsak theih nadingin tu-in na Tapaʼ pianzia hong kilangsak ta in.

Luka 22:14

A hun a tun ciangin Jesu zong sawltakte tawh sabuai ah a tu hi.

Luka 22:16

A mantakin kong genin ah, Pasianʼ Ukna sungah a cingtaak Paisan Pawi hun hong tun mateng, Paisan Pawi an ka ne ngei nawn kei ding hi,” a ci hi.