Luka 21:6 - Tedim Bible Revision 2017

⁶ “Tu-a na muh uh hih nate khempeuh a siat gawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphel kek mang ding hi,” a ci hi.

Tedim Bible

⁶ Zeisu in, “Tua na muh uh nate ahih leh, a kiphelkhia lo ding suang khat tungah suang kiciang khat beek a om theih loh ding hun a hong tung ding hi,” a ci hi.

Luka 21:6 Referans Kwoze

Marka 13:2

Jesu in, “Hih innte lian sa-in thupi na sa mahmah hi. Ahi zongin hih innte lamna-a a kiciang suangte nih bek nangawn a kithuapna a om lo zah dongin a kiphel kek gawp hun hong tung ding hi,” ci-in a dawng hi.

Mattiu 24:2

Ahi zongin Jesu in amaute kiangah, “Hihte khempeuh na mu khinta uh hi. Keʼn a mantak a kong genin ah: Hih inn lamna-a a kiciang suangte a kithuapin a om nangawn a om nawn lo zah dongin kilawn keek mang ding hi,” ci-in a dawng hi.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.

Zekhariah 14:2

Jerusalem khuapi a sim dingin Topa in minam khempeuh kaikhawm ding hi. A khuapi kila-in, a innte kiluh gawpin, a numeite zong kibuan gawp ding hi. Mi alang bang salin kipaikhiat pih dinga, a dangte ahihleh kipaikhiat pih lo ding hi.

Zekhariah 11:1

Lebanon aw, mei in na taamtak kungte a kat theih nadingin na kongpite hong in.

Kah la 4:1

Biakinnpi kisia ta a, suang kiciangte kongzing lakah a kithehthang hi. Khamtui tawh a kizut a tee daldalte mualmang khinzo ta hi.

Jeremiah 26:18

“Judah kumpipa Hezekiah in a uk laitakin Moresheth khuami Mikah in Judah mi khempeuhteʼ kiangah, ‘Lo dingin Zion mual a kikho ding hi. Jerusalem khua kisia zan dinga, biakinn mual, gamlak a suak ding hi, ci-in Vanglian Topa in gen hi,’ ci hi.

Jeremiah 26:9

Bang hangin, ‘Hih biakinnpi pen Shiloh tawh kibang dinga, hih khuapi ah a teeng om loin gam simtham suak ding hi,’ ci-in Topaʼ minin thu hilh ngam na hi hiam?” ci-in a gen uh hi. Topaʼ biakinnpi sungah a om mi khempeuh in Jeremiah a umcih uh hi.

Jeremiah 26:6

hih Jerusalem biakinnpi Shiloh khua-a biakinn ka bawl bangin ka bawl dinga, hih khuapi pen leitung gam khempeuhteʼ kihamsiatna-in ka zangsak ding hi,’ na ci ding hi,” a ci hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Luka 21:7

Tua ciangin amaute in, “Cik ciangin hih thu hong piang dinga, hih thu a pian ding ciangin bang lim hong om ding ahi hiam?” ci-in a dot uh ciangin