Luka 21:4 - Tedim Bible Revision 2017

⁴ Bang hang hiam cih leh a dangte in a zat val uh sumte a khia uh ahi hi. Ahi zongin hih numei a zawng mahmah hi napi-in a nuntak nading khempeuh a khia khin ahi hi,” a ci hi.

Tedim Bible

⁴ Bang hang hiam na cih uh leh, tua mi khempeuhte in a sumval lak pan a khia uh hi. Tua numei ahih leh, zawng napi-in a kivaak nading khempeuh nangawn a khia hi,” ci-in a gen hi.

Luka 21:4 Referans Kwoze

Luka 15:12

A nau zaw pa in, ‘Pa aw, neihsa keiʼ ngah ding taang teng tu-in hong pia in,’ a ci hi. Tua ahih manin a pa in zong, a ta tegel a hawmsak hi.

Sawltak 4:34

Inn ahi a, lo ahi zongin a neite in zuak uh a, a sum ngahte uh sawltakte kiangah a ap uh hi. Mi khempeuh tungah a kisapna bang ciat un a sumte hawm uh ahih manin amaute lakah sum kitangsam kuamah om lo uh hi.

Luka 8:43

Tua laitakin kum sawm le kum nih tawntung siluang natna vei-in, a neih khempeuh siavuante cialna-in a zat hangin kuamah in a damsak zawh loh numei khat,

Marka 12:44

Bang hang hiam cih leh a dangte in a neih val a lam val sung panun a khia uh ahi hi; ahi zongin amah zawng mahmah napi-in ama kivak nading nangawn siit loin a neih khempeuh a khia khin ahi hi,” a ci hi.

Luka 21:3

Tua ciangin amah in, “Keʼn kong cih in ah, hih a zawng meigongnu in a dangte khempeuh sangin tam zaw a khia hi.

2 KORIN NIHNA 8:12

Piak nopna lungsim na neih nak uh leh na neih lohnate uh siksan hi loin na neihna uh tawh kizui-in na piak uh Pasian in hong sang ding hi.