Luka 21:34 - Tedim Bible Revision 2017

³⁴ “Limtakin kidawm un. Thakhat thu-in tua Ni hong tung kha ding ahih manin zune anne le leitung nuntakna lunghimawhin thamang kei un.

Tedim Bible

³⁴ “Note na kikeem ta un. Ahih kei leh, annek tuidawn hih nuntakna leh lungman’na hangin na lungsim uh a gim lai takin, tua Ni in thang kisai bangin note tungah a hong tung ding hi.

Luka 21:34 Referans Kwoze

Marka 4:19

hih leitung lunghihmawhna, hauh nopna le deihna dang a tuamtuamte in a thu khuhcip ahih manin bangmah suak khia zo lo hi.

Luka 12:40

Tua mah bangin Mihing Tapa zong na upmawh loh uh hun laitakin hong pai ding ahih manin note zong a kiging sa-in om tawntung un,” a ci hi.

1 KORIN MASA 6:10

a gutate, a huaihamte, zukhamte, mi gensiate, ahih kei leh miʼ na a sutte khat beek, Pasianʼ Ukna sungah lut thei het lo ding hi.

Mangmuhna 3:3

Tua ahih manin note a hong kihilh na zak sa uh thute phawkkik unla, tua thute zui-in na mawhna panun kisikkik un. Khua na phawk kei uh leh note kiangah guta bangin ka hong pai dinga, ka hong tun lam nangawn na thei kei ding uh hi.

2 PETER NIHNA 3:14

Tua ahih ciangin ka itte aw, hih Ni ding ngakin na om laitakun Pasianʼ muhna ah paubaanna om het loin amah tawh nuam takin na om khawm theih nadingun hanciam un.

Galati 5:20

milim biakna, mi bumna, kilangbawlna, kitotna, hazatna, hehna, huaihamna, kikhenna, pawl tuam lungsim neihna,

1 KORIN MASA 5:11

Tua ka hong laigelhna sungah ka cihnopna pen, thu upna sungah unau khat hi hang, ci napi-in numei tawh a paktat, a huaiham, milim a bia, mi gensia, zukham, ahih kei leh a guta theite tawh kikhawl kei un, cihnopna ahi hi. Tua bang mite tawh an ne ding nangawnin zong na tukhawm kei un.

Mattiu 13:22

Lingbulsum omna leilak ah a tu khaicite pen Pasianʼ thu za napi-in amau nuntakna sung uh ah leitung lunghihmawhna le hauh nopnate in Pasianʼ thu vuknelh ahih manin bangmah a suak khia zo lote a cihnopna ahi hi.

Hosea 4:11

Leenggahzu in ka miteʼ thungaihsut theihna beisak hi.

Isaiah 28:7

Hih mite zong leenggahzu tawh hoi-in khamtheih zu tawh awn uh hi. Siampite le kamsangte nangawn zukhamin hoi uh hi. Kamsangte in zu kham lua uh ahih manin Pasianʼ muhsak maangmuhnate theithei lo uh a, siampite in zong zu kham lua uh ahih manin a thukhen dingte uh khen thei lo uh hi.

Luka 21:8

Jesu in, “Kidawm unla, miʼ khem sa-in ta kei un. Bang hang hiam cih leh keimah a kineih mi tampi hong pai ding uh a, ‘Keimah, Khris ka hi hi; a hun hong tung ta hi,’ hong ci ding uh hi. Tua bang miteʼ nung zui kha kei un.

Filippi 4:6

Thu khat peuhpeuh ah lunghimawh lua kei unla, na kisap bangbang uh, lungdamna tawh Pasian kiangah na ngen un.

Luka 17:3

Note hoihtakin kingaihsun un. Na sanggampa uh no tungah hong khialh leh amah taii unla, a kisik leh a mawhna maisak un.

Luka 10:41

Ahi zongin Topa in, “Martha, Martha aw, nang na lunghihmawhna tam hi.

Luka 8:14

Lingbulsum omna a tukna munte pen Pasianʼ thu za napi-in a nuntakna sung uh ah leitung lunghihmawhna, hauhna le nopsaknate in dep gawp ahih manin bangmah a suak khia zo lote a cihnopna ahi hi.

Marka 13:9

“Limtakin kidawm un. Note hong kimanin thukhen zumah hong kipaipih dinga, kikhopna inn sungah zong hong kisat ding hi. Ukpite le kumpite mai ah keima thu gen nading hun na ngah ding uh hi.

Paunak 21:4

Kihisakin gamtatna le kiphatsakna lungsimte pen mawhna hi a, migilo hihna lim ahi hi.

Hebru 12:15

Pasianʼ hehpihna a ngah lah na hih khak loh nadingun na kidawm un. Zung kha a nei singkung hong khangin mi tampi gimsakin a siatsak bangin mite a siasak na hih khak loh nadingun na kidawm un.

Late 35:8

A phawk loh kalun amauteʼ tungah siatna tungsak in! Amauʼ ngenthang mahah amaute mah awksak inla, a kisia mangkhin dingin amaute puksak in.

1 SAMUEL MASA 25:36

Tua ciangin Nabal kiangah Abigail hong tungkik hi. Kumpipaʼ pawi tawh kibangin amah in a inn sungah pawi na kham hi. Nabal lungnuam mahmah hi. Bang hang hiam cih leh amah in zu kham mahmah hi. Tua ahih ciangin zingsang khuavak mateng ama kiangah bangmah gen peuhmah lo hi.

Siampi Laibu 10:9

“Nang hitaleh na tapate hitaleh kikhopna buk ah na pai uh ciangin leenggahzu hitaleh khamtheih zu hitaleh ne kei un. Na nek uh leh na si ding uh hi. Tua pen na suan na khakte uh tungah khang tawntungin ngeina kip khat hi ding hi.

2 PETER NIHNA 3:10

Ahi zongin theih kholh lohpi-in guta bangin Topa hong pai ding Ni hong tung ding hi. Tua Ni ciangin nakpi takin a ging in vantungte maimang sakin, vantung nate mei in kangtumin maimang dinga, leitung le a tunga om na khempeuh a mangthang ding hi.

Piancilna 19:32

Hong pai in; i pa leenggahzu khamsak ni; i pa tawh suanlekhak i kizopsak theih nadingin amah tawh lum khawm ni,” a ci hi.

Paunak 23:20

Zu nenete tawh kikhawl kei inla, a uisante tawh kithuah kha kei in.

Thuhilh-sia 9:12

Mihing in ama hun ding thei ngei lo hi. Thang ah a awk vasate le ngen ah a awk ngasate tawh i kibang hi. Lamet loh hun laitak keekin hunsia sungah mihingte i tung hi.

Luka 21:35

Theih kholh lohin thang kisai bangin leitung mi khempeuh tungah hih thu hong piang vat ding hi.

Piancilna 19:35

Tua ahih ciangin amaute in tua nitakin zong a pa uh leenggahzu khamsak uh hi. A nau pai-in amah tawh lum hi. A tanu a lup lam hitaleh a thawh lam hitaleh amah in phawk lo hi.

Piancilna 27:14

Tua ahih ciangin amah pai-in keelnote va la-in a nu kiangah paipih a, a paʼ duh bangin a nu in an lim a bawl hi.