Luka 21:24 - Tedim Bible Revision 2017

²⁴ Mi pawl khat, namsau tawh kithat dinga, pawl khat, galmatin gam dangah kiciah pih ding hi. Tua ciangin Gentail miteʼ uk hun a bei matengin Jerusalem khuapi a siacipin om ding hi.

Tedim Bible

²⁴ Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Luka 21:24 Referans Kwoze

ROM (Romans) 11:25

Sanggamte aw, note in na theih dingun ka deih thusim khat om hi. Thei le-uhcin, “A pil mahmah hi hang,” na kici nawn kei pah ding uh hi. Tua thu in: Israel mite in a up nop lohna pen a tawntung ding thu hi lo hi. Pasian kiangah Gentail mite a pai ding zah in Pasian a zuat hun ciang dong ding bek ahi hi.

Mangmuhna 11:2

Ahi zongin biakinn pualam tualte teh kei in. Minam dangteʼ khut sungah kipia khin a, amaute in kha sawm li le nih sung Khuapi Siangtho tuancil gawp ding uh ahih manin tua a tualte teh loin nusia lel in.

Isaiah 63:18

Nangma mi siangthote in tawl khat sung bek na biakinn nei a, ko hong langpangte in tua na biakinn pen tuancil gawp khinta hi.

Daniel 12:7

Puan pak silhpa in a khut tegel vantung lamah laam to-in, Tawntung Pasianʼ min tawh thuciamna a bawl hi. Amah in, “Kum thum le alang hi ding hi. Pasianʼ mite a kibawlsiatna a bei ciangin hih thute khempeuh hong piang ding hi,” ci-in a gen ka za hi.

Daniel 9:27

Tua makai pa in mi tampite tawh kum sagih sung thuciamna kip bawl ding uh hi. Gan gawh biakna le biakpiakna, hih hun lang sung a khawlsak ding hi. Biakinn dawn sang pen munah a Lipkhaphuai na kikoih ding hi; ahi zongin Pasian in tua a koihpaʼ thuak dingin a geel sa thu a koihpa in a thuak hun ciang dong, a Lipkhaphuai na pen a koihna mun mahah om lai phot ding hi,” hong ci hi.

Daniel 8:13

Vantungmi khat in a dang vantungmi khat kiangah thu a dot ka za a, “Hih maangmuhna bang tanvei sawt dinga, a muhdahhuai mawhna in nisim biakpiakna bang tanvei khaktan ding ahi hiam? Vantung galkapte le biakinnpi bang tanvei kituancil ding ahi hiam?” a ci hi.

Isaiah 5:5

Tu-in, ka leenggui lo tungah ka hih ding thu note tungah kong gen ding hi. A daai ka la khia dinga, kine mang ding hi. A gawl ka susia dinga, kituancil ding hi.

Isaiah 66:19

amauteʼ lakah lim khat ka khai ding hi. Amauʼ sung panin, minamte tung, Tarshish mite tung, Put mi le Lud mite tung, Meshek mite tung, Tubal mi le Javan mite tung, ka min hoihna a za ngei lo, ka minthanna a mu ngei lo tuipi gei-a om gam mite tungah a suakta lai mite ka sawl ding hi. Amaute in minamte lakah ka minthanna genthang ding uh hi.

Malakhi 1:11

Leitung khempeuh ah a om minam khempeuh in kei hong zahtak uh a, kei adingin mun khempeuh ah paknamtui halin, a kisang thei ding biakpiakna hong pia uh hi. Mi khempeuh in kei hong zahtak uh hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Isaiah 66:12

Topa in hih bangin ci hi: Tu-in gunpi bangin nopsakna le tui let khia bangin minamteʼ hauhna ama tungah ka tungsak ding hi. Note pen a nuʼ nawi teepin, a ang ah kipua a, a khuk tungah a diang naungek na bang ding uh hi.

Piancilna 34:26

Amaute in Hamor le a tapa Shekhem, namsau tawh that uh a, Shekhemʼ inn sung panin Dinah la khia-in a paikhia uh hi.

Paikhiatna 17:13

Joshua in Amalek le ama mite namsau tawh vatmai hi.

Luka 21:25

“Ni, kha le aksite tungah lim hong om ding hi. Tuipi ging le tuihual liante kihtakna hangin leitung mi khempeuh lau-in lunggim ding uh hi.

Hebru 11:34

meikuangpi mitsak thei-in, sih nading panin suakta uh a, gina lo napi-in thahat uh a, gal sungah thahatin gamdang galkapte a zo gawp uh hi.