Luka 21:23 - Tedim Bible Revision 2017

²³ Tua huna naupaiite le naungek neite adingin haksa mahmah ding hi. Hih leitungah gimna lianpi hong tung dinga, Pasian in hih mite gim a pia ding hi.

Tedim Bible

²³ Tua lai takin naupai numeite leh naungeek nei numeite in gimna a thuak ding uh hi. Bang hang hiam na cih uh leh, hih gamah gimna tung ding a, hih pawlte tungah hehna a tung ding hi.

Luka 21:23 Referans Kwoze

Luka 23:29

Bang hang hiam cih leh mite in, ‘Ta a nei ngei lo, naungek nawi a teepsak ngei lo numei ciingte mi hampha mahmah ahi hi,’ a cih hun hong tung ding hi.

Marka 13:17

Tua laitakin nupi naupaiite le naungek neite adingin haksa mahmah ding hi.

Mattiu 24:19

Tua hun laitakin naupaiite le naungek neite adingin haksa mahmah ding hi.

Kah la 4:10

Ka mite a cihmawh laitakun, itna a nei nupite nangawn in, a tanote uh go-in beel sungah a huan uh hi.

1 PETER MASA 4:17

Tu-in thukhen kipat hun ding hong tung ta-in Pasianʼ mi eite tungah hong kipan ahihleh Pasian kiang panin hong pai Lungdamna Thu a um lo mite adingin bangzahin lungkham huai ding ahi hiam?

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

1 THESALONIKA MASA 2:16

Gentail mite tungah hotkhiatna thu ka gen ding uh hong khaktan uh ahih manin amauʼ mawhna sate a behlap niloh a suak uh hi. Ahi zongin a tawpna ah Pasianʼ hehna amaute tungah a tung ta hi.

Hebru 13:16

Khatlekhat tungah thuhoih kibawlin na kihuh ding uh mangngilh kei un. Hih bang gamtatnate pen Pasian a lungkimsak thei biakna ahi hi.

Luka 19:43

Na kimkot ah na galte in a panmun ding uh hong to-in, hong umcihin hong nehcih hun hong tung ding hi.

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Mattiu 21:44

Hih suang tungah a kia mi khempeuh kizan gawp dinga, mi khatpeuh tungah tua suang a kiat leh zong deng zan gawp ding hi,” a ci hi.

Mattiu 21:41

Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Daniel 8:19

Amah in, “Pasianʼ hehna hangin thupiang dingte kong lak ding hi. Na maangmuh pen hun beina ding lahna ahi hi.

Mattiu 21:16

Jesu kiangah, “Hih naupangteʼ otna na za hiam?” ci-in a dong uh hi. Jesu in, “Ka za hi. Lai Siangtho sungah, ‘Naungekte le naupangteʼ kam tawh a cingtaak phatna na gensak hi,’ a cihna thu sim ngei lo na hi uh hiam?” ci-in a dawng hi.

1 KORIN MASA 7:26

Tu laitakin a om bangun om paisuak leh hoih zaw ding hi, cihna thu tawh kisai-in, tu laitak a lungkham huai thu ka ngaihsut ciangin tu laitakin a om bangun om paisuak leh hoih zaw mah dingin ka ngaihsun hi.