Luka 21:21 - Tedim Bible Revision 2017

²¹ Tua ciangin Judea gam sunga omte mual tungah tai un. Jerusalem khua sunga omte zong tai khia unla, gam sung khua neu-a om mite, Jerusalem khua sungah lut nawn kei un.

Tedim Bible

²¹ Tua lai takin Judah gamah a omte in mual tungah tai ta hen. Jerusalem khuapi sungah a omte in paikhia ta hen. Gampa lakah a omte in a sungah lut loin om ta hen.

Luka 21:21 Referans Kwoze

Jeremiah 6:1

Benjaminʼ suante aw, na suahtak nadingun tai un. Jerusalem khua taisan un. Tekoa khua ah peengkul tum unla, Bethlehem khua ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna ah kihel kha-in a gim thuakna thuakpih kha ding na hih manun hong paikhia un.

Marka 13:15

A innkhum zang ah a om laitak ahi khate zong, a kum suk ciangin a neihsate a taipih dingin a la dingin a inn sungah lut nawn kei hen.

Mattiu 24:16

Judea gam a om mite, mual tungah tai henla,

Jeremiah 35:11

Ahih hangin Babylon kumpipa Nebukhadnezzar in hih gam hong sim ciangin kote in, ‘Hong pai un. Khaldea galkapte le Syria galkapte kihta ihih manin Jerusalem khua ah pai ni,’ ka kici uh a, tua mah bangin tu-in Jerusalem khua ah ka teng uh hi,” a hong ci uh hi.

Paunak 22:3

Mipilte in a lauhuai thu mu thei-in pelh uh a, mi mawkmawkte in phusuakin thuak uh hi.

Gamlak-vakna 16:26

Amah in mihonte kiangah, “Amauteʼ khialhna khempeuh tawh note hong kiphiat khia kha ding ahih manin, hih migiloteʼ puanbuk panin paikhia unla, amauʼ na khat beek lawng kha kei un, hong thum ing,” a ci hi.

Piancilna 19:26

Ahih hangin a nung a om Lotʼ zi nunghei a, amah ci khuam a suak hi.

Piancilna 19:17

Amaute in a paikhiatpih khit uh ciangin, “Na nuntak nadingun tai un. Nunghei kei unla, kuam sungah zong khawl kei un. Note hong kaang tum kha ding ahih manin mual tungah tai to un,” a ci uh hi.

Jeremiah 37:12

Tua laitakin kei zong Jerusalem khua panin ka behte kiangah ka gamhluah teeng a la dingin Benjamin gamah a pai dingin ka ding khia hi.

Mattiu 2:1

Herod in Judea gamah kumpi a sep hun laitakin tua gam sung Bethlehem khua ah Jesu a suak hi. A suah khit phetin aksi thu lamsang a siam mi pawl khat, nisuahna lam panin Jerusalem ah hong tung uh a,