Luka 21:17 - Tedim Bible Revision 2017

¹⁷ Mi khempeuh in keima hangin note hong mudah ding uh hi.

Tedim Bible

¹⁷ Keima min hangin mi khempeuh in note hong mudah ding uh hi.

Luka 21:17 Referans Kwoze

Johan 15:19

Hih leitung mite tawh a kipawl hi le-uhcin leitung mite in amau pawlte hong it ding hi. Ahi zongin hih leitung mite lak panin note ka hong teel khia a, amaute tawh kipawl nawn lo na hih manun a hong mudah ahi uh hi.

Luka 6:22

“Mihing Tapaʼ hangin mite in hong mudahin hong tuam koih a, hong simmawhin migiloin hong seh ciangin thupha ngah na hi uh hi.

2 KORIN NIHNA 12:10

Kei ka thaneem mahmah laitakin a thahat mahmah suak ka hih manin Khris hangin ka thaneemna, simmawh ka thuakna, haksatna, bawlsiatna le lungkhamna ka thuaknate tawh ka lung a kim mahmah hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.

Mangmuhna 2:3

Note in lungduai takin thuakin, keima min hangin thuak zo-in, lungkia het loin na omna uh ka thei hi.

Filippi 1:29

Bang hang hiam cih leh Khrisʼ na sep nading hunpha zong note tungah a hong kipia hi a, Khris upna tawh ama na a sem hi bek loin, thuakna tawh zong a sem ding na hi uh hi.

2 KORIN NIHNA 4:11

Tua ahih manin koteʼ leitung pumpi ah Jesu Khris nuntakna a kilat nadingin Jesu hangin ka leitung nuntak sungun sih nading lauhuaina ka phu kha tawntung uh hi.

Johan 17:14

Amaute tungah na thu ka gen khin hi. Ahi zongin keimah bangin amaute zong hih leitung mite tawh kipawl lo uh ahih manin leitung mite in a mudah uh hi.

Marka 13:13

Keima hangin Gentail mi khempeuh in note hong mudah ding uh a, ahi zongin a sih dongun a thuak zote in hotkhiatna a ngah ding uh hi.

Mattiu 24:9

“Tua ciangin note hong kibawlsia in hong kithat dinga, keima hangin Gentail mi khempeuh in note hong mudah ding uh hi.

Mattiu 10:22

Keima hangin Gentail mi khempeuh in note hong mudah ding uh hi. Ahi zongin a tawp dongin a thuak zo mite in hotkhiatna a ngah ding uh hi.

1 PETER MASA 4:14

Khris nungzui hihna hangin miteʼ kosiatna na thuak uh leh note sungah a minthang Kha Siangtho ahi Pasianʼ Kha Siangtho hong om ahihna lim ahih manin a hampha mahmah na hi uh hi.

Sawltak 9:16

Keima hangin a thuak ding thu khempeuh zong, kei mahmah in ama tungah ka gen ding hi,” a ci hi.

Johan 7:7

Leitung miteʼ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Mattiu 5:11

“Midangte in keima hangin a man lopi-in hong simmawhin hong bawlsia a, a nam tuamtuamin hong gensiat uh ciangin thupha ngah mi na hi uh hi.

2 KORIN NIHNA 4:5

Bang hang hiam cih leh koteʼ hilh thu pen komauʼ thu hi lo a, Khris Jesu pen Topa ahi hi, ci-in a hilh ka hi uh a, kote pen Khris hangin nomauʼ na a semte ka hi uh hi.

Luka 21:16

Na nu na pate, na sanggamte, na behte le na lawmte mahmah un note hong khia dinga, note pawl khat in thahna na thuak ding uh hi.

Luka 21:18

Ahi zongin na samzang khat nangawn uh mangthang lo ding hi.