Luka 21:16 - Tedim Bible Revision 2017

¹⁶ Na nu na pate, na sanggamte, na behte le na lawmte mahmah un note hong khia dinga, note pawl khat in thahna na thuak ding uh hi.

Tedim Bible

¹⁶ Na nute na pate, na sanggampate, na behte leh na lawmte nangawn in note hong pia ding uh a, note kimkhat zong hong sisak ding uh hi.

Luka 21:16 Referans Kwoze

Luka 12:53

A pa in a tapa do-in, a tapa in a pa do dinga, a nu in a tanu do-in, a tanu in a nu do dinga, a teeknu in a monu do-in, a monu in a teeknu do ding hi,” a ci hi.

Mangmuhna 6:9

Ciaptehna ngana a hon ciangin Pasianʼ thu a genna hang le Pasianʼ thu citakin teci a panna uh hangin a kithat miteʼ kha, biakna tau nuai ah a om ka mu hi.

Jeremiah 9:4

Mi khempeuh a inn veengte uh kidawm uh henla, a sanggamte uh muang kei uh hen. Bang hang hiam cih leh sanggamte khem hat ciat uh a, inn veengte khempeuh zong gensiat hat ciat uh hi.

Mangmuhna 12:11

I sanggamte in Tuuno sisan le thuman a genna uh tawh amah na zo uh a, a nuntakna nangawn uh na pia ngam uh hi.

Mangmuhna 2:13

Satan in a kumpi tokhom a phuhna munah a om na hih lamtak uh ka thei hi. Keima thu citakin teci a pang cinten Antipas, Satanʼ omna munah a kithah hun laitak nangawnin kei na hong upna uh na khahsuah kei uh hi.

Sawltak 12:2

Johanʼ u James pen namsau tawh thatsak hi.

Sawltak 7:59

Tua bangin suang a khiat thuahthuah laitakun Stefen in thu ngen a, “Topa Jesu aw, ka kha hong la in,” a ci hi.

Marka 13:12

Unau khatlekhat a sih nadingun kikhia ding uh a, pa in a ta khia-in, ta in a nu le a pate khia-in a thatsak ding uh hi.

Mattiu 10:21

Unau le unau, pa in a ta, tate in a nu a pate langpangin sihna a thuak dingin khatlekhat kiheek ding uh hi.

Jeremiah 12:6

Bang hang hiam cih leh na sanggamte le na innkuanpihte nangawn in nang hong zuak uh a, nang a hong do ding mihonpi a kaikhawm uh hi. Kam khum tawh nang a hong zol uh hangin um kei in,” ci-in hong dawngkik hi.

Luka 21:15

Bang hang hiam cih leh tua hun ciangin noteʼ gen ding thu le pilna kong guan dinga, na galte uh khat beek in noteʼ thugen hong nial zo loin, zong hong sel zo lo ding uh hi.

Luka 21:17

Mi khempeuh in keima hangin note hong mudah ding uh hi.