Luka 21:12 - Tedim Bible Revision 2017

¹² Ahi zongin hihte khempeuh hong pian ma-in keima hangin note hong kimanin hong kibawlsia ding hi. Kikhopna innte ah thusitna thuakin thong ah khiat dingin hong ki-ap dinga, ukpite le kumpite mai ah hong kipaipih ding hi.

Tedim Bible

¹² Tua thu khempeuh a pian’ ma-in, keima min hangin amaute in hong man ding uh a, kikhopna inn sung leh thong sungah hong pia ding uh a; kumpite leh mangpite mai-ah hong paipih ding uh a, hong bawlsia ding uh hi.

Luka 21:12 Referans Kwoze

1 PETER MASA 2:13

Topaʼ hangin leitung ukna aana neiteʼ thu na mang un. Kumpipaʼ thu ahi a,

Sawltak 22:30

Jew mite in bang hangin Paul mawhsak ahi uh hiam, ci-in teltakin galkap mangpa in thei nuam ahih manin a zing ciangin Paul a khihsakna sikkhaute sutsak a, siampi liante le upate thu kikupna a nei dingin a samsak hi. Tua ciangin Paul paikhiat pihin uliante mai ah a dingsak hi.

Sawltak 9:4

Saul, leilak ah puk suk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Sawltak 8:3

Ahi zongin Saul in pawlpi suksiat ding hanciam a, inn khat pan inn khat ah pai kawikawi-in, thu um numei le pasalte kai-in thong sungah a khia hi.

Sawltak 5:40

Tua ahih manin uliante in Gamalielʼ thugen a mang uh hi. Sawltakte samkiksak uh a, a sat khit uh ciangin Jesuʼ min tawh thu a hilhkik ngei loh nadingun thu a pia uh hi. Tua khit ciangin sawltakte a khah uh hi.

Johan 15:20

‘Sila pen a topa sangin lian zaw lo hi,’ ci-in ka hong thugenna phawk un. Amaute in kei hong bawlsiat uh leh note zong hong bawlsia ding hi. Ka thugente hong zuih uh leh noteʼ thugente zong hong zui ding hi.

Mattiu 22:6

a dangte in a nasemte manin a na sat gawp khit uh ciangin a na that uh hi.

Mangmuhna 2:10

Na thuak ding uh haksatnate kihta kei un. Dawimangpa in note pawl khat thong sungah hong khia-in hong ze-et ding hi. Gimna na thuak hun ding uh ni sawm sung bek hi ding hi. Na sih dongun kei tungah hong citak un. Tua hileh nuntakna lukhu kong pia ding hi.

Mattiu 24:8

Hihte khempeuh pen gimna kipat nading hi pan hi.

Luka 21:11

Mun khempeuh ah nakpi takin zin hong liingin, kialpi le pulnatna zong hong tung ding hi. A kihtakhuai a tuamtuamte le lim lian pipi vanah hong kilang ding hi.

Johan 15:21

Ahi zongin amaute in kei hong sawl pa thei lo uh ahih manin keima mi na hihna uh hangin amaute in hih bangin hong bawl ding uh ahi hi.