Luka 20:44 - Tedim Bible Revision 2017

⁴⁴ David in Khris pen, ‘Topa,’ ci ahih manin bang hangin Khris pen Davidʼ suan hi thei ding ahi hiam?” a ci hi.

Tedim Bible

⁴⁴ Tua ahih ciangin David in, ‘Khazih in Topa hi,’ a cih leh bangci-in ama ta hi thei ding ahi hiam?” ci-in a dong hi.

Luka 20:44 Referans Kwoze

Mangmuhna 22:16

“Keimah Jesu in pawlpite adingin hih thute nang kiangah a hong gen dingin ka vantungmi ka hong sawl hi. Kei pen Davidʼ zung le a suan ahi, zingsol ka hi hi,” a hong ci hi.

1 TIMOTI MASA 3:16

I biakna pen a thuthuk a thu lian taktak ahihna thu hih bangin i thei hi: Mihing lim pua-in amah hong kilang a, a man taktak ahihna thu Kha Siangtho in kilangsak a, vantung mite in a mu uh hi. Mi khempeuh tungah ama thu kihilh a, mun khempeuh ah ama thu ki-umin, vantungah amah kila to hi.

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

ROM (Romans) 9:5

le a thupi pupiteʼ suanlekhakte hi uh a, leitung si le sa tawh kisai-in Khris zong amau minam sung panin a piang ahi hi. Hih thute hangin mi khempeuh in na khempeuh a uk Pasian phat tawntung ta uh hen! Amen.

Luka 2:11

Tu ni-in David khuapi sungah, note a hong hon khia ding Khris Topa a suak hi.

Mattiu 1:23

“Nungak khat gai-in tapa khat nei dinga, ama min dingin Emmanuel kiphuak ding hi,” ci hi. Emmanuel a khiatna in, eite tawh Pasian hong om khawm hi, a cihna ahi hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Luka 20:45

Tua ciangin Jesu in mi khempeuh zakin a nungzuite kiangah,