Luka 20:16 - Tedim Bible Revision 2017

¹⁶ Amah hong pai-in hih lo khawhlawhte that dinga, midangte khawhlawhsak ding hi,” a ci hi. Amaute in hih thu a zak uh ciangin, “Hih bangin piang kei tapeuh hen,” a ci uh hi.

Tedim Bible

¹⁶ Amah hong pai-in tua lokhawh lawhte sugawpin, a leenggah lo midangte a cingsak ding hi,” a ci hi. Amaute in hih thu a zak uh ciangin, “Tua bang hi kei hen!” a ci uh hi.

Luka 20:16 Referans Kwoze

Luka 19:27

Tu-in, kumpi dingin kei a hong deih lo ka galte pen hih lai ah hong paipih unla, keima muhna ah that un,’ ci hi,” a ci hi.

Sawltak 13:46

Tua ciangin Paul le Barnabas in hang takin thu gen uh a, “No Jew mite tungah Pasianʼ thu kong gen masak ding mah uh ahi hi. Ahi zongin note in Pasianʼ thu nialin, nuntak tawntungna a ngah dingin kilawm zo kisa lo na hih manun, note kiang panin pai khia-in Gentail mite kiangah ka pai ding uh hi.

Mattiu 21:41

Amaute in, “Tua migilote that gawp dinga, a hunhunin leenggah a pia ding lo khawhlawh dangte khosak ding hi,” a ci uh hi.

Mattiu 22:7

Kumpipa zong heh mahmah a, a galkapte kuansakin tua mi thatte a thahsak khit ciangin a khua a hal tum sak hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Marka 12:9

“Tua ahihleh lo nei pa in bangci bawl ding ahi hiam? Amah hong pai-in lo khawhlawhte that dinga, a lo, midangte a khawhlawhsak ding hi.

Luka 20:15

Tua ahih manin amaute in lo nawl ah amah sawn khia-in a that uh hi. “Tua ahihleh lo nei pa in hih lo khawhlawhte bang cih ding ahi hiam?

ROM (Romans) 3:4

Tua bang hi het lo hi. Lai Siangtho sungah, “Thu na gen peuhmah ciangin a man na genna thu mite in hong thei ding uh a, mite in nang hong mawhsakna na genkik ciangin na kiphel lah ding khat beek om lo ding hi,” ci-in a kigelh mah bangin mi khempeuh in zuau a gen zongin Pasian in thuman gen veve ding hi.

ROM (Romans) 3:6

Gim hong piakna ah a thuman lo hi het lo hi. A thuman lo hi zenzen leh bangci-in leitung mi khempeuhʼ thu khen thei ding ahi hiam?

ROM (Romans) 3:31

Tua ahihleh hih upna thu i gen ciangin Thukham a phiat ihi hiam? Hi lo hi; a kipsak semsem ihi hi.

ROM (Romans) 6:2

Tua bang hi dek lo ding hi. Mawhna thu ah a si eite in bangci-in mawhna bawl thei nawn ding ihi hiam?

ROM (Romans) 6:15

Eite pen thukhamʼ uk hi loin Pasianʼ hehpihna in hong uk ahih manin mawhna i gamta kei ding hi.

ROM (Romans) 7:7

Tua ahihleh Thukham mahmah pen a siahuai ahi hiam? A sia hi lo hi. Mawhna bang hiam cih Thukham in hong theitelsak hi. Thukham in, “Hazatna lungsim nei kei in,” ci-in gen lo hileh, haza i cih bang ahi hiam, ci-in ka thei kei ding hi.

ROM (Romans) 7:13

Tua ahihleh a hoih na khat in keiʼ sih nading hong piangsak ahi hiam? Hi lo hi. Tua sihna pen mawhnaʼ nasepna hi a, mawhna pianzia bangci bang taktak hiam, cih a kitheih nadingin a hoih na khat zangin kei tungah sihna a hong piangsak ahi hi. Tua ahih manin thukham a om manin mawhna a siahuai mahmah ahihna hong kilang zaw kan lai hi.

ROM (Romans) 9:14

Tua bang ahihleh Pasian thutang lo hi, a kici thei ding hiam? Kici thei lo ding hi.

ROM (Romans) 11:1

Tua ahihleh Pasian in ama mi Israel-te nialin nusia mang khin ahi hiam? Tua bang hi dek lo hi. Kei mahmah zong Abrahamʼ suan Israel mite ka hi a, tua sung panin Benjaminʼ suan ka hi hi.

ROM (Romans) 11:11

Jew mite a puk uh ciangin sia paisuak ahi uh hiam? Sia paisuak lo uh hi. Amauʼ mawhna hangin Gentail mite in hotkhiatna ngah uh hi. Gentail mite in hotkhiatna a ngah pen Jew mite in enna lungsim a neih theih nading uh deihna ahi hi.

1 KORIN MASA 6:15

Na pumpi uh, Khris pumpi nate khat ahih lamtak thei lo na hi uh hiam? Khris pumpi nate khat la-in numei tawh paktatteʼ pumpi nate khat suaksak ding ihi hiam? Tua cih ngei ding hi peuhmah lo hi.

Galati 2:17

Tua ahihleh Khris ka upna hangun Pasian tawh kipawl theih nading ka hanciam uh ciangin mimawh mah ka hihna uh ka thei uh hi. Tua ahihleh Khris pen mawhna a piangsak a suak ding hiam? Suak het lo ding hi.

Galati 3:21

Tua ahihleh Thukham le Pasianʼ thuciamnate a kilehngat ahi uh hiam? Hi het lo hi. Mihingte tungah hong kipia Thukham in nuntakna taktak hong pia thei hileh tua Thukham zuihna hangin mi khempeuh in Pasian tawh kipawl theihna ngah ding uh hi.

Galati 6:14

Ahi zongin keimah in ahihleh, singlamteh tungah i Topa Jesu a sihna thu bek ka kisialh pih ding hi. Bang hang hiam cih leh singlamteh tungah ama sihna hangin kei adingin leitung thute misi bang a, kei zong, leitung thu ah misi mah ka bang hi.