Luka 20:14 - Tedim Bible Revision 2017

¹⁴ Ahi zongin lo khawhlawhte in a tapa a muh uh ciangin khatlekhat in, ‘Hih pa, a gamhluah ding pa ahi hi. Ama gamhluah ding teng i ngah theih nadingin amah that ni,’ a ci uh hi.

Tedim Bible

¹⁴ Ahih hangin lo khawhlawhte in a tapa a muh uh ciangin, ‘Hih pa in a inn luah dingpa ahi hi. Luah na’ng teng i ngah theih nadingin amah that ni,’ ci-in khat leh khat a kikum uh hi.

Luka 20:14 Referans Kwoze

ROM (Romans) 8:17

Eite pen ama ta ihih manin mite adingin a koih thuphate i ngah banah Khris adingin a koihte zong i ngahkhawm lai ding hi. Bang hang hiam cih leh Khris in a thuak mah bangin i thuak nakleh amah a minthan mah bangin ei zong i minthang ding hi.

Hebru 1:2

Ahi zongin tu hun nunung ciangin leitung vantung na khempeuh a bawlin a zat, a tawpna ah na khempeuh a luah dingin a seh a Tapa zangin eite tungah thu hong gen hi.

Sawltak 3:15

Tua ahih ciangin mite tungah nuntakna a pia pa na that uh a, ahi zongin sihna panin Pasian in amah hingkiksak hi. Ko tegel pen hih thu a thei teci ka hi uh hi.

Sawltak 2:23

Pasian in thu a ma-theih kholhna le a ma-geelna tawh kizui-in noteʼ khut sungah tua Jesu a hong piak ding a ngaihsut sa hi a, note in singlamteh tungah khai-in migiloteʼ khut tawh amah na that uh hi.

Luka 22:2

Siampi liante le Thukham hilh siate in mihonpite kihta uh ahih manin kuama theih lohin Jesu a kithah theih nading lampi a zong uh hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.

Luka 20:5

Tua ciangin amaute khatlekhat kikum uh a, “Pasianʼ tung panin thu ngah hi,” ci lehang, “Bang hangin ama thu um lo na hi uh hiam?” hong ci dinga,

Luka 19:47

Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Mattiu 21:25

Johan in tuiphum theih nading thu koi lai panin ngah ahi hiam? Pasian kiang panin thu ngah ahi hiam, ahih kei leh mihingte kiang panin thu ngah ahi hiam?” a ci hi. Amaute khatlekhat kiseel uh a, “Pasian kiang pan hi,” ci lehang, “Bang hangin um lo na hi uh hiam?” hong ci ding hi.

Mattiu 16:7

Tua ciangin nungzuite in, “Anlum i puak mangngilh manin hih thu hong gen hi ding hi,” ci-in amaute khatlekhat a kikum uh hi.

Late 89:27

Keimah in amah ta upa penin ka bawl dinga, leitung kumpite lakah a lian penin ka bawl ding hi.

Late 2:8

Keima tungah hong ngen in; nangma luah dingin minamte ka bawl dinga, leimong dongin na neihsa ka hisak ding hi.

Mattiu 21:34

Leenggah min hun a tun ciangin ama ngah ding teng a va la dingin lo khawhlawhte kiangah a nasemte a paisak hi.

Luka 20:13

Tua ciangin leenggah lo nei pa in, ‘Bang cih ding ka hi hiam? Ka it mahmah ka tapa ka sawl ding hi. Amaute in amah na zahtak bawl kha ding uh hi,’ a ci hi.

Luka 20:15

Tua ahih manin amaute in lo nawl ah amah sawn khia-in a that uh hi. “Tua ahihleh lo nei pa in hih lo khawhlawhte bang cih ding ahi hiam?