Luka 20:11 - Tedim Bible Revision 2017

¹¹ Tua ciangin nasem dang khat sawl leuleu a, lo khawhlawhte in tua pa zong na sat gawpin maizumsak gawp uh a, khut hawmguak mahin a ciahsak uh hi.

Tedim Bible

¹¹ Khatvei nasem dang khat sawl kik a, tua pa zong satin a zahhuaisak khit uh ciangin, khut guak tawh a ciahsak uh hi.

Luka 20:11 Referans Kwoze

1 THESALONIKA MASA 2:2

Note in na theih sa uh mah bangin Thesalonika khua ka hong tun ma-un Filippi khua ah simmawh bawlna le maizumna ka thuak uh hi. Tua bangin nakpi takin hong kilangbawlna hangin Pasian kiang panin a hong pai Lungdamna Thu note kiangah gen ngam nadingin i Pasian in kote sungah lungsim hanna a hong guan hi.

Sawltak 7:52

I pu i pate in kamsang a bawlsiat loh khat beek om lo hi. Pasianʼ deihna bangin a gamta a Nasem pa a hong pai nading thu a gen khol Pasianʼ kamtaite na that uh a, tu-in note in tua nasem pa leh hekin na that leuleu uh hi.

Hosea 10:1

Israel mite ahihleh a gah pha mahmah leenggui tawh kibang hi. Cithei semsem leh biakna tau tam lam semsem uh hi. A gam sung uh cithei semsem leh biakna song a hoih bawl semsem uh hi.

Marka 12:4

Tua ciangin lo nei pa in a nasem dang khat a sawl hi. Amaute in tua pa a lutang na liamsak gawp uh a, a na simmawh bawl uh hi.

Luka 20:10

Leenggah min hun a tun ciangin ama ngah zah tang ding a va la dingin lo khawhlawhte kiangah a nasemte khat a sawl hi. Ahi zongin lo khawhlawhte in amah na sat gawp uh a, khut hawmguakin a ciahsak uh hi.

Luka 20:12

Tua ciangin a thum veina dongin a nasem dang khat mah sawl leuleu a, lo khawhlawhte in amah zong na liamsak gawpin na sawn khia uh hi.