Luka 2:7 - Tedim Bible Revision 2017

⁷ Zintun nading mun dang khempeuh mi dim khinta ahih manin ganbuk ah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Tedim Bible

⁷ a ta cil suak a, puanin a tun khit ciangin zin tun’na innah omna ding om lo ahih ciangin, bawng ankuang sungah naungeek a sial hi.

Luka 2:7 Referans Kwoze

Galati 4:4

Ahi zongin a hun a cin ciangin eite khempeuh Pasianʼ tate i suah theih nadingin Thukham nuai ah a om mite a hong tan khia dingin Pasian in a Tapa hong paisak a, tua Tapa pen leitung ngeina bangin numei sung panin hong suakin, Jew Thukham sungah hong nungta hi.

Johan 1:14

Tua Thu mihing hong suakin kote lakah hong om a, itna nei-in citak mahmah ahih manin Pasianʼ pianzia a neihna ka mu cian uh hi. Hih pianzia pen Pasianʼ Tapa khat bek hihna tawh a neih pianzia ahi hi.

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Mattiu 1:25

Ahi zongin tua tapa a suah hun dongin a zi luppih lo a, a suah ciangin a min dingin Jesu a phuak hi.

Mattiu 8:20

Jesu in, “Ngiate in lup nading kua nei uh a, vasate in zong giah nading bu nei uh hi. Ahi zongin Mihingʼ Tapa in a luptheih nading mun koi mahah nei lo hi,” ci-in a dawng hi.

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Mattiu 13:55

Khutsiam paʼ tapa hi lel a, a nu zong Mary a kici nu hi lel hi lo ahi hiam? Ama naute zong James, Josef, Simon le Judas hi lo ahi uh hiam?

Late 22:6

Ahih hangin kei pen lungno khat bang lel ka hi a, mi ka bang kei hi. Miteʼ ko gawpgawp, miteʼ simmawh ka hi hi.

Luka 10:34

a kiangah va pai-in a liammate sathau le leenggahzu a nuhsak khit ciangin a tunsak hi. Tua ciangin a la tungah tuangsak a, zintun inn khat ah paipihin tua lai ah a khoi hi.

Paikhiatna 4:24

Lampi ah a giahna khat ah Topa in Moses dawntuahin thah a sawm hi.

Piancilna 42:27

Amaute khat in a giahna panun a la gan-an pia dingin a van a suah leh, a van gongah a sum mu hi.

Piancilna 43:21

Ka giahna mun uh ka tun uh ciangin ka vante uh ka hong uh a, ka sumte uh a cingin ka van sung ciat uh ah na omkik hi. Tua ahih ciangin kote in tua sumte kong puakik uh a,

Luka 2:6

Bethlehem khua ah a tam sungun a nausuah ding hun hong tung hi.

Luka 2:8

Tua hun laitakin gamlak ah a tuuhonte a giah pih tuucing pawl khat a om uh hi.