Luka 2:46 - Tedim Bible Revision 2017

⁴⁶ A ciah zawh uh a ni thum ni ciangin biakinn sungah amah mu uh a, siate lakah tu-in a thugen uh ngai-in, thu zong dong zelin a om a mu uh hi.

Tedim Bible

⁴⁶ Ni thum khit ciangin, naupang biakna innpi sungah thuhilhte lai zangah tu a, amaute thu ngai a, amaute kiangah thu dongin a om a mu uh hi.

Luka 2:46 Referans Kwoze

Luka 5:17

Khat vei, Jesu in thu hilhin a om laitakin, Galilee gam, Judea gam le Jerusalem khua pan hong pai Farisi-te le Thukham hilh siate pawl khat tua lai munah a tu uh hi. Jesu tungah cina damsak theih nading Pasianʼ vangliatna kipia hi.

Sawltak 5:34

Ahi zongin amaute sung panin Farisi mi Gamaliel, Thukham hilh sia khat ahi, mi khempeuh in zong a zahtak bawl mipa khat hong dinga, tawl khat sung sawltakte a kipusuah pih nadingin thu pia a,

Isaiah 50:4

A lunggim mite ka thahatsak theih nadingin Topa Pasian in ka gen ding thu hong hilh khin hi. Ama hong hilhnate a ngai dingin zingsang simin lawpna hong guan hi.

Mattiu 12:40

Ngasa gilpi sungah sun thum le zan thum sung Jonah a om mah bangin Mihing Tapa zong sun thum le zan thum sung mah lei sungah om ding hi.

1 KUMPI MASATE 12:12

Tua ahih ciangin kumpipa in, “Ni thum ni-in ka kiangah hong paikik un,” a cih mah bangin Jeroboam le mi khempeuh a ni thum ni-in Rehoboam kiangah hong pai uh hi.

1 KUMPI MASATE 12:5

Amah in amaute kiangah, “Ni thum sung va kihem unla, tua ciangin kei kiangah hong paikik un,” a ci hi. Tua ahih ciangin mite paikhia uh hi.

Mattiu 16:21

Tua hun a kipanin Jesu in a nungzuite kiangah, “Jerusalem khua ah ka pai ding hi. Upate, siampi liante le Thukham hilh siate tung panin gimna tampi ka thuak ding hi. Kei hong kithat dinga, ni thum ni-in hong kihingkiksak ding hi,” ci-in teltakin gen a kipan hi.

Luka 2:47

Amah in pilna tawh thu genin a dawnna a za mite khempeuh in lamdang sa mahmah uh hi.

Johan 3:10

Jesu in, “Israel miteʼ sia hi napi-in hih thu theithei lo na hi hiam?

1 TIMOTI MASA 1:7

Thei kisa ngelin a gen kankan uh thute le amau kampauna mahmah zong bang gen ka hi hiam cih a thei het lo hi napi-in amaute pen Pasianʼ thukhamte a hilh dingin ut zaw lai uh hi.