Luka 2:36 - Tedim Bible Revision 2017

³⁶ Tua laitakin Asher minamte sung panin Fanuelʼ tanu Anna minnei kamsang numei khat a om hi. Amah a khangham mahmah khat hi a, a nungak laitakin a neih a pasal tawh kum sagih sung a ten khop khit ciangin,

Tedim Bible

³⁶ Tua lai takin Asher pawl ahi, Fanuel’ tanu Anna min nei numei kamsang khat a om hi. Amah teek a, a nungak lai pan akipanin kum sagih bek pasal tawh a teen’ khit ciangin,

Luka 2:36 Referans Kwoze

Sawltak 21:9

Amah in Pasian thu a hilh ta nungak li nei hi.

Paikhiatna 15:20

Tua ahih manin Aaronʼ sanggamnu Miriam in a khut ah khuang khat tawi hi. Ama nungah numeite khempeuh laamin khuang tawh a zui uh hi.

1 KORIN MASA 12:1

Sanggamte aw, Kha Siangthoʼ hong piak siamna a tuamtuamte tawh kisai thu na theih loh khak ding uh ka deih kei hi.

Sawltak 2:18

Tua ni ciangin ka nasem numeite le ka nasem pasalteʼ tung nangawn ah ka Kha ka sung dinga, amaute in keima thu gen ding uh hi.

Late 92:14

Topa thutang hi, ci-in a lah nadingun amaute teek napi-in gah lailai uh a, amaute tui kiuhkeuhin hing sitset uh hi. Amah pen kei hong hupa hi a, ama sungah thuman lohna om lo hi.

JOB (Job) 5:26

A hun ciangin ancilna phualah buhlom a tun mah bangin teek sihin han na zuan ding hi.

2 KUMPI NIHNATE 22:14

Tua ahih ciangin siampi Hilkiah, Ahikam, Akbor, Shafan le Asaiah te zong Harhas tapa Tikvah, a tapa Shallum, biakinn puan a kem paʼ zi kamsangnu Huldah kiangah a pai uh hi (tua laitakin Jerusalem khua sung a Veeng Nihna ah tua nu teeng hi); tua ciangin tua nu tawh amaute kiho uh hi.

Thukhente 4:4

Tua hun lai-in Lappidothʼ zi kamsang numei Deborah in Israel-te thu khen hi.

Piancilna 30:13

Leah in, “Kei lungdam ing! Bang hang hiam cih leh numei dangte in kei a lungdam hong ci ding uh hi,” a ci hi. Tua ahih ciangin ama min Asher a phuak hi.

Joshua 19:24

A beh tawh kizui-in Asher minamte adingin aisan ngana hong tung hi.

1 SAMUEL MASA 1:2

Amah in zi nih nei hi. Khatʼ min Hannah hi a, a khatʼ min Peninnah ahi hi. Peninnah in ta nei a, ahih hangin Hannah in nei lo hi.

Ezekiel 13:17

Tua ciangin Topa in, “Mihing ahi Ezekiel aw, na miteʼ lakah a om, a thugen ding uh a phuak tawm numeite en in. Amauteʼ gamtatna hangin mawhsakna thu gen inla,

Luka 2:35

miteʼ lungsim tawng a kilatna hong hi ding hi. Dahna lungkhamna in namsau hiam bangin nangma lungsim mahmah zong hong sun kham ding hi,” a ci hi.

Luka 2:38

Tua bangin Jesu a ki-ap hun laitakin hih kamsangnu hong pai-in Pasian tungah lungdamna ko a, Jerusalem a suahtak nading lamenin a ngak mi khempeuh tungah hih naungekʼ thu a gen hi.

1 KORIN MASA 11:5

Tua mah bangin mihon biakna sungah numei khatpeuh in a lu khuh lopi-in thungen ahi a, Pasianʼ thugen ahi zongin a om leh a pasalʼ min a daisak hi a, a lu a met numei mah tawh a kilamdanna a om lo ahi hi.

1 TIMOTI MASA 3:2

Tua ahih manin siate pen paubaanna a nei lo mi, zi khat bek a nei mi, lungsim hoih hithiat mi, thu a ngaihsun thei mi, a kilawm a kituakin a gamta mi, zin le leengla do a siam mi, thuhilh a siam mi,

1 TIMOTI MASA 5:9

Meigong numei khat peuhpeuh a khan kum sawm guk a cing sate le pasal khatvei bek a nei ngeite bek, meigong sazian sungah koih in.