Luka 2:29 - Tedim Bible Revision 2017

²⁹ “Topa aw, na thuciamna tu-in nong tungsak a, na nasem pa keima lungsim nong nuamsak hi.

Tedim Bible

²⁹ “Topa aw, na genkholh mah bangin, Na sal in nopsakna tawh a pai nadingin thu hong pia in.

Luka 2:29 Referans Kwoze

Mangmuhna 14:13

Tua ciangin vantung panin awging khat ka za a, “Tu a kipanin Topa thu ah a si mite mi hampha mahmah ahi hi, cihna gelh in,” a ci hi. Tua ciangin Kha Siangtho in, “Hi takpi hi. Amauteʼ nasepna thaman in amaute zui ding ahih manin a nasep gimna panun tawlnga-in nuamsa-in om ding uh hi,” ci-in a dawng hi.

Piancilna 15:15

Nang na hih leh, nuam takin na pu na pate kiang na zuan dinga, khan kicingin hong kivui ding hi.

Filippi 1:23

Hih thu nih khensat hak ka sa mahmah hi. Kei adingin hoih zaw thampek ahih manin leitung pumpi si-in Khris tawh om khawm ding ka ut hi.

Luka 2:26

Topaʼ hong ciam sa Khris a muh matengin a sih loh nading thu zong ama tungah Kha Siangtho in na gen khin hi.

Late 37:37

Paubaang lo mi ciamteh inla, thutang mi en in; bang hang hiam cih leh gal a phuang lo mi adingin nopna a om hi.

Piancilna 46:30

Israel in Josef kiangah, “Na maitang mu khinin nang na nuntak lai thei ka hih manin tu-in ka si zongin phamawh nawn lo hi,” a ci hi.

Luka 2:28

Simeon in naungek la-in a ang ah tawi-in Pasianʼ tungah lungdamna ko a,

Mangmuhna 6:10

Amaute nakpi takin kiko uh a, “A thuman, a siangtho, a Vanglian Topa aw, leitungah a om lai, kote a hong that mite tungah cik ciangin thu khenin, kote hong thahna hangin cik ciangin phu la ding na hi hiam?” a ci uh hi.