Luka 2:24 - Tedim Bible Revision 2017

²⁴ Topa Thukham sungah a kigelhna tawh kizui-in biakna-in vakhu nih ahi a, kawl vakhu no nih ahi zongin a pia dingin zong a pai uh ahi hi.

Tedim Bible

²⁴ Topa kiangah a piak khit uh ciangin, “Vakhu nupa kop ahi zongin, kawl vakhu neu ahi zongin,” ci-in Topa’ Thukhamna lai sungah a kigelh bangin biakna a pia uh hi.

Luka 2:24 Referans Kwoze

2 KORIN NIHNA 8:9

Bang hang hiam cih leh i Topa Jesu zong hau mahmah napi-in ama zawnna tawh note mihau na suah theih nadingun noteʼ hangin mi zawngin hong kibawl ahih manin i Topa Jesu Khris hong itna bangzah takin lian hiam, cih thu na thei uh hi.

Siampi Laibu 12:2

“Israel mite tungah hih bangin gen in: Nupi khat gai-in ta pasal a neih leh ni sagih sung tua nu a nin hi dinga, a nin neih huna mah bangin amah a nin hi ding hi.

Siampi Laibu 1:14

“Topaʼ tungah ama biakna pen vasa tawh meihal biakna ahihleh, amah in vakhu tawh ahi zongin, kawl vakhu no tawh ahi zongin, a biakna hong paipih ding hi.

Siampi Laibu 5:11

“Ahih hangin amah in vakhu nih ahi a, kawl vakhu no nih ahi zongin a piak zawh kei leh, amah in a gamtatna sa a khialhna hangin a biakna-in annel lawh khat, khialhna hanga biak nadingin paipih ding hi. Tua pen khialhna hanga biakna ahih manin amah in tua sungah sathau khah lo dinga, paknamtui zong hel lo ding hi.