Luka 2:21 - Tedim Bible Revision 2017

²¹ Naungek a vun a ki-at ni hun nipikal khat a cin khit ciangin, amah a kipaii ma-in a min dingin vantungmi in a piak sa ahi Jesu, a min dingin a phuak uh hi.

Tedim Bible

²¹ Tua naungeek’ vunat nading ni giat a cin’ khit ciangin, a gai ma-a vantungmi in a phuah kholh mah bangin a min Zeisu a phuak uh hi.

Luka 2:21 Referans Kwoze

Siampi Laibu 12:3

A ni giat ni-in a naungek vun dawn ki-at ding hi.

Luka 1:59

Naungek nipikal khat a phak khit ciangin a vun a at dingin hong pai uh a, a naungekʼ min dingin zong a paʼ min mah ahi Zekhariah phuah ding a sawm uh hi.

Luka 1:31

Nang gai-in tapa khat na nei dinga, a min dingin Jesu na phuak ding hi.

Piancilna 17:12

Noteʼ lak panin ni giat a pha pasal peuhmah a vun ki-at ding hi. Noteʼ khang tawntungin pasal peuhmah, noteʼ inn sunga suak hitaleh, noteʼ ta ahi lo, gamdang mi khatpeuh kiang panin na sum uh tawh na lei uh hitaleh

Filippi 2:8

Amah hong kiniamkhiat tawm a, singlamteh tung nangawn ah sih ding a ut hi.

Mattiu 3:15

Ahi zongin Jesu in, “Pasian in hih dingin kisam a sak khempeuh i hih ding a kilawm thu ahih manin tu-in hong phum hoh in,” a cih ciangin Johan in zong a mang hi.

Mattiu 1:25

Ahi zongin tua tapa a suah hun dongin a zi luppih lo a, a suah ciangin a min dingin Jesu a phuak hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.