Luka 2:12 - Tedim Bible Revision 2017

¹² Amah na theih nading uh a lim hih bang hi ding hi: Puan tawh kitun naungek khat, gan annekna kuang sungah a kisial na mu ding uh hi,” a ci hi.

Tedim Bible

¹² Note in, ‘Bang limin thei ding ka hi uh hiam?’ na cih uh leh naungeek puanin kitun a, bawng an nekna kuang sungah kisialin a om na mu ding uh hi,” a ci hi.

Luka 2:12 Referans Kwoze

Isaiah 7:14

Tua ahih ciangin Topa mahmah in note tungah lim khat hong pia ding hi. En un, nungak khat gai-in tapa khat nei dinga, ama min Immanuel kici ding hi.

Isaiah 7:11

“Topa na Pasian kiang panin lim khat ngen inla, a thuk Leinuai pan ahi a, a sang vantung panin ahi zongin ngen in,” a ci hi.

Late 22:6

Ahih hangin kei pen lungno khat bang lel ka hi a, mi ka bang kei hi. Miteʼ ko gawpgawp, miteʼ simmawh ka hi hi.

2 KUMPI NIHNATE 20:8

Tua ciangin Hezekiah in Isaiah kiangah, “Topa in kei hong damsak nading le a ni thum ni-in Topaʼ biakinn ah ka pai toh nading a lim bang hi ding ahi hiam?” a ci hi.

2 KUMPI NIHNATE 19:29

Tua ciangin Isaiah in Hezekiah kiangah, “Nang adingin lim hih bang hong hi ding hi: Tu kumin ama thu-in a pote na ne dinga, a kum nihna ciangin tua bangmahin a sel khiate na ne ding hi. A kum thumna ciangin khai tuhin atin, leenggui suanin a gah na ne ding hi.

1 SAMUEL MASA 2:34

Na tapa nihte, Hofni le Finehas tungah hong tung ding hih thu pen nang adingin lim hi ding hi. Amau tegel a ni kikhatin si ding uh hi.

Paikhiatna 3:12

Amah in, “Nang tawh kong om taktak ding hi. Hih pen nangma adingin nangmah kong sawlna lim hi ding hi: Nangmah in Egypt panin mihingte na paikhiatpih khit ciangin, nang in hih mual tungah Pasian na bia ding hi,” a ci hi.

Luka 2:7

Zintun nading mun dang khempeuh mi dim khinta ahih manin ganbuk ah tung uh a, a tacil ahi ta pasal khat nei-in, puan tawh tunin gan annekna kuang sungah a sial hi.

Luka 2:13

Tua khit phetin tua vantungmi tawh vantung mihonpite thakhatin hong omin Pasian phatna la sa uh a,