Luka 2:11 - Tedim Bible Revision 2017

¹¹ Tu ni-in David khuapi sungah, note a hong hon khia ding Khris Topa a suak hi.

Tedim Bible

¹¹ Tuni-in, David’ khua-ah Topa Khazih ahi hong Gumpa in note adingin a suak zo hi.

Luka 2:11 Referans Kwoze

Isaiah 9:6

Bang hang hiam cih leh eite adingin naungek khat hong suak a, eiteʼ tungah tapa khat hong kipia hi. Amah pen eite hong ukpa hi dinga, ama min pen “Lamdang Thulak pa, Vanglian Pasian, Tawntung Pa, Nopsakna Kumpi,” kici ding hi.

Mattiu 1:21

Amah in tapa khat hong nei dinga, tua tapa in ama mite a mawhna uh panin hon khia ding ahih manin ama min dingin Jesu na phuak ding hi,” ci-in thu a gen hi.

Sawltak 2:36

“Tua ahih ciangin singlamteh tungah na thah uh hih Jesu pen Pasian in Topa le Khris in a bawl khitna thu, Israel mi khempeuh in teltakin thei ta un,” a ci hi.

Mattiu 16:16

Simon Peter in, “Nang pen a nungta Pasianʼ Tapa, Khris na hi hi,” ci-in a dawng hi.

Luka 1:43

Ka Topaʼ nu kei kiangah hong hawh nadingin, bang hangin hih bang thu lian kei tungah hong tung ahi hiam?

1 JOHAN MASA 5:1

Jesu, Khris hi, ci-in a um mi khempeuh Pasianʼ tate hi a, pa a it mi peuhmah in a ta zong a it hi.

Filippi 2:11

Jesu Khris in Topa ahi hi, ci-in taangko-in Pa Pasian a min thangsak ding uh hi.

Johan 4:42

Tua thu um mite in tua numei kiangah, “Nangma thugenna hangin a um ka hi nawn kei uh a, komau mahmah in a thugen za-in, leitung mite a Hon khia ding pa taktak hi, ci-in thei ka hih manun a um ka hi uh hi,” a ci uh hi.

Luka 2:4

Josef zong Davidʼ suante khat ahih manin Galilee gam sung Nazareth khua panin Davidʼ suahna khua ahi Judea gam Bethlehem khua ah a pai hi.

Mattiu 1:16

Jakob ta Josef hi a, Josef pen Khris a kici Jesuʼ nu Mary’ pasal ahi hi.

1 KORIN MASA 15:47

A masa Adam pen leitung leivui tawh a kibawl hi a, a nunung Adam pen vantung panin a hong pai ahi hi.

Sawltak 10:36

Mi khempeuhʼ Topa ahi Jesu Khris hangin a kingah Lungdamna Thu, Israel mite tungah Pasian in a puakna thu na thei uh hi.

Johan 20:31

Hih laibu sungah a kigelh thute pen Jesu, Pasianʼ Tapa, Khris ahihna thu na up theih nading uh le ama min hangin tua upna tawh nuntakna na ngah theih nading uh deihna tawh a kigelh ahi hi.

1 JOHAN MASA 4:14

Pa Pasian in leitung mite a hon khia dingin a Tapa a hong paisakna thu kote in thei-in midang kiangah gen belin ka nei uh hi.

Johan 1:45

Nethanel tawh a kituah ciangin Filip in, “Moses in Thukham laibu sungah a gelh mipa le kamsangte in zong a gelh mipa ka mu khin uh hi. Amah Jesu hi a, Nazareth khuami Josefʼ tapa ahi hi,” a ci hi.

Sawltak 17:3

Khris in sihna thuakin, sihna panin a thawhkik ding a kisam ahi hi, ci-in a laktel hi. Tu-a note kiangah kong pulak Khris pen Lai Siangtho sunga kigen Khris ahi hi, ci-in Paul in a gen hi.

Sawltak 5:31

Israel mite kisikkikin Pasian in a mawhna uh a maisak theih nadingin Ukpi le Honpa-in tua Jesu bawlin ama tak lamah a tusak hi.

Johan 6:69

Tu-in nang ka hong um uh a, Pasian kiang panin a hong pai a Siangtho Pa na hihna thu ka hong thei uh hi,” ci-in a dawng hi.

Johan 1:41

A zing ciangin a u Simon zong pahin ama kiangah, “Messiah ka mu zo uh hi,” a ci hi. Tua pen Khris a cihnopna ahi hi.

Mattiu 16:20

Tua ciangin amah Khris ahih lamtak, kuama kiangah a gen loh nadingun a nungzuite kiangah khauh takin thu a pia hi.

Piancilna 49:10

Judah in kumpi ciangkhut len tawntung dinga, a suan a khakte in zong ukna aana nei tawntung ding hi. Minam dangte in ama tungah siah puak dinga, zahtakna tawh ama mai ah kun ding uh hi.

Piancilna 3:15

Nang le numei kikal na suanlekhakte le ama suanlekhakte kikalah kilangneihna ka omsak ding hi. Amah in na lutang hong sunim dinga, nang in ama khetul na sunim ding hi,” a ci hi.

Kolose 2:6

Note hong honpa dingin Topa Khris na san sa uh ahih mah bangin amah tawh hoihtakin kipawlin nungta un.

Filippi 3:8

Hih bang nate bek hi loin, ka Topa Jesu Khris ka theihna manpha zaw lua sa ka hih manin na dang khempeuh ka sum ngam zaw lai hi. Khris hangin na dang khempeuh ka nusia khin a, Khris tawh ka kipawl theih nadingin na dang khempeuh ninneng bang lelin ka ngaihsun hi.

Johan 11:27

“Ka um hi, Topa aw; leitungah a hong pai ding Pasianʼ Tapa, Khris na hihna thu ka um hi,” ci-in a dawng hi.

Johan 7:41

pawl khat in, “Hih pa, Khris ahi hi,” a ci uh hi. Ahi zongin pawl khat in, “Galilee gam panin Khris hong piang ding ahi hiam?

Luka 2:26

Topaʼ hong ciam sa Khris a muh matengin a sih loh nading thu zong ama tungah Kha Siangtho in na gen khin hi.

Luka 1:69

A nasem pa Davidʼ suante sung panin eite adingin Vanglian Honpa hong pia hi.

Late 2:2

Leitung kumpite le gam ukte in Topa le ama sathau nilh pa langpangin vaihawm uh a,

Johan 4:25

Tua ciangin numei in, “Khris a kici Messiah hong pai nading thu ka thei hi. Amah hong pai ciangin thu khempeuh hong gen ding hi,” a cih ciangin

Sawltak 13:23

Pasian in ama ciam sa bangin Israel mite a hon khia dingin hih Davidʼ suan sung pan Jesu a bawl hi.