Luka 19:9 - Tedim Bible Revision 2017

⁹ Tua ciangin Jesu in ama kiangah, “Tu ni-in hih innkuan in hotkhiatna a ngah hi. Hih mipa pen Abrahamʼ suante khat zong hi lai hi.

Tedim Bible

⁹ Zeisu in, “Hih pa in Abraham’ tapa ahih man-inah tuni-in hih inn sungah gupna a tung hi.

Luka 19:9 Referans Kwoze

Galati 3:7

Tua ahih manin Abrahamʼ suanlekhak a man taktak i cihte pen upna a nei mite ahihna thu na theih ding uh ahi hi.

Luka 13:16

Tua mah bangin Satan in Abrahamʼ suante khat ahi hih numei pen kum sawm le kum giat sung hencip hi. Hih a kihencipna panin Sabbath ni-in hih numei khahkhiat ding kilawm hi lo ahi hiam?” a ci hi.

ROM (Romans) 4:16

Tua ahih manin Abrahamʼ suanlekhakte khempeuh tungah Pasianʼ hehpihna piakkhong a suah theih nadingin Thukham a zuite bek in ngah loin, Abrahamʼ up bangin a umte in zong a ngah theih nadingun upna bulphuhin thuciamna kipia hi. Bang hang hiam cih leh Abraham pen kha thu lamah eite khempeuhʼ pupi ahi hi.

1 PETER MASA 2:10

Nidangin Pasianʼ mi na hih loh uh hangin tu-in ama mi na hi uh a, nidangin Pasianʼ hehpihna na theih loh uh hangin tu-in ama hehpihna na ngah uh hi.

Galati 3:29

Khris tawh na kipawl nak uh leh Abrahamʼ suante na hi ta uh a, Pasianʼ hong khap thute a ngah ding na hi uh hi.

Galati 3:14

Khris in eite a hong tatna pen, eite in i upna hangin Pasian in a hong ciam Kha Siangtho ngahin, Pasian in Abraham tungah a ciam thuphate zong, Jesu Khris hangin Gentail mite tungah a kipiak theih nading a deihna ahi hi.

Luka 3:8

Na kisikna uh a kilat nadingin gamta un. Note khatlekhat in, ‘Abrahamʼ suante ihi ngawn hi,’ mawk cih kei un. Keʼn kong cih in ah, Pasian in hih suangte nangawn Abrahamʼ suanlekhakte-in bawl thei lel hi.

Luka 2:30

Ka mit mahmah tawh nong hotkhiatna ka mu khin a,

Luka 13:30

Tua hi a, tu hun a mi neute tua hun ciangin mi lian hi dinga, tu hun a mi liante tua hun ciangin mi neu hi ding hi,” a ci hi.

Luka 16:24

Tua ahih manin nakpi takin kiko a, ‘Pa Abraham aw, kei hong hehpih in. Meiphual sungah omin nakpi takin gimna thuak ka hih manin Lazaras in a khutme dawn tui diahin ka leii hong votsak nadingin hong sawl in,’ a ci hi.

Luka 16:30

Tua ciangin mihau pa in, ‘Pa Abraham aw, tua nong gen zong a kicing khin hi mah hi. Ahi zongin a si sa mi khat hingkikin amaute kiangah va paikik leh a mawhna panun ka naute kisik hamtang ding uh hi,’ a ci hi.