Luka 19:47 - Tedim Bible Revision 2017

⁴⁷ Jesu in nisimin biakinn sungah thu a hilh hi. Siampi liante, Thukham hilh siate le upate in amah that nuam uh hi;

Tedim Bible

⁴⁷ Zeisu in ni simin biakna innpi sungah thu a hilh hi. Ahih hangin siampi liante, laitheite leh miliante in amah thah nading a zong uh hi.

Luka 19:47 Referans Kwoze

Marka 11:18

Siampi liante le Thukham hilh siate in hih thu a zak uh ciangin Jesu a thah theih nading uh lampi a zong uh hi. Ahi zongin mihonpi in ama thuhilhna lamdang sa uh ahih manin amaute in Jesu a kihta uh hi.

Mattiu 26:55

Tua ciangin Jesu in mihonte kiangah, “Gal le sa bangin hong ngaihsun a, keimah a man dingin namsau le molhtum tawh hong kuan na hi uh hiam? Nisimin biakinn sungah thu ka hilh niloh a, ahi zongin kei nong man kei uh hi.

Johan 18:20

Jesu in, “Mi khempeuhʼ theihin thu ka gen tawntung hi. Jew mihonpi a kikhopna innte le Biakinn sungah thu ka hilh a, thu ka sim genna omngei lo hi.

Johan 10:39

Tua ciangin amaute in Jesu mat sawm uh hi; ahi zongin amauteʼ khut sung panin Jesu a suakta hi.

Johan 7:44

Mi pawl khat in Jesu man nuam uh hi; ahi zongin kuamah in su ngam lo hi.

Johan 7:19

Moses in note tungah Thukham hong pia napi-in kuamah in na zui kei uh hi. Tua hi napi, bang hangin thah dingin kei hong sawm na hi uh hiam?” a ci hi.

Marka 14:1

Paisan Pawi le Silngo Sawh loh Anlum Pawi a tun ma ni nih ni-in siampi liante le Thukham hilh siate in Jesu simmatin a thah theih nading uh lampi a zong uh hi.

Marka 12:12

Hih thu gentehna pen amaute a cihnopna a a gen ahih lam Jew makaite in thei uh ahih manin Jesu a kimat theih nading a hanciam uh hi. Ahi zongin mihonpite kihta uh ahih manin Jesu bangmah cih loin a paisan uh hi.

Mattiu 21:23

Biakinn tual sungah Jesu lutkik a, thuhilhin a om laitakin siampi liante le upate ama kiangah hong pai uh a, “Hih nate kua thu tawh bawl a, na bawl nading kua in aana hong pia ahi hiam?” ci-in a dot uh ciangin

Marka 14:49

Nisim nisimin biakinn sungah thuhilhin note tawh ka om khawm a, ahi zongin nong man kei uh hi. Ahi zongin hih thu pen Lai Siangtho sunga a kigelh thu a tun nading ahi hi,” a ci hi.

Luka 19:48

ahi zongin mi khempeuh in a thugente mal khat zong khahsuah nuam loin a thu ngai tawntung uh ahih manin a suktheih nading uh a hun om thei lo hi.

Luka 20:19

Jesu in hih thu gentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesu man pah nuam uh hi; ahi zongin mihonte kihta uh ahih manin man pah ngam lo uh hi.