Luka 19:44 - Tedim Bible Revision 2017

⁴⁴ Nang le na kulh sunga om mi khempeuh hong sumai ding uh a, a omna ngei munah suang khat zong om nawn lo ding hi. Hih bang a pianna pen nang a hu dingin Pasian hong pai lam na phawk lohna hang ahi hi,” a ci hi.

Tedim Bible

⁴⁴ Nang akipan na sunga om na tate leitungah a kipuksak ding ni a hong tung ding a; na sunga suang khat tungah suang kiciang khat beek a omsak kei ding uh hi. Bang hang hiam na cih leh, Pasian hong hawhna hun na thei kei hi,” a ci hi.

Luka 19:44 Referans Kwoze

Luka 21:6

“Tu-a na muh uh hih nate khempeuh a siat gawp ding hun hong tung ding hi. Inn lamna-a a kiciang suangte a kithuapin a om nangawn om nawn loin kiphel kek mang ding hi,” a ci hi.

Kah la 1:8

A minthanna teng a bei ta hi. A guaktangin om ahih manin a maizum hi. Thumin tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

1 PETER MASA 2:12

Gentail mite in note mihoih lo hi, ci-in hong gensia nuamin mawhna hong zon ciangin, noteʼ hoihna bekbek mu-in, Pasian a hong pai Ni ciangin a phat theih nadingun amaute lakah na gamtatna uh hoihsak tawntung un.

Luka 19:42

“Nopsak tawntung theih nading bang kisam hiam, ci-in tu ni-in thei lecin ut mahmah ing. Ahi zongin nang na theithei kei hi.

Luka 1:68

“Israel miteʼ Topa Pasian phat ciat ni. A mite a huh dingin hong pai-in amaute a suaktasak hi.

Mattiu 24:2

Ahi zongin Jesu in amaute kiangah, “Hihte khempeuh na mu khinta uh hi. Keʼn a mantak a kong genin ah: Hih inn lamna-a a kiciang suangte a kithuapin a om nangawn a om nawn lo zah dongin kilawn keek mang ding hi,” ci-in a dawng hi.

Daniel 9:24

“Na mite le khuapi siangtho, a mawhna le a gamtat khialhnate a beina ding hun kum sawm sagih mun sagih sung a kiseh zo hi. Tua ciangin mawhna kimaisak dinga, a tawntung thutang thu a hong tung ding hi. Gen kholhna le maangmuhna thu a mantakin hong tangtung dinga, a Siangtho Pen Mun biakinnpi kisiansuah ding hi.

Luka 1:78

I Pasian lungnem mahmah a, hehpihna hong nei hi. Eite tungah hotkhiatna khuavak hong taangsak dinga,

Marka 13:2

Jesu in, “Hih innte lian sa-in thupi na sa mahmah hi. Ahi zongin hih innte lamna-a a kiciang suangte nih bek nangawn a kithuapna a om lo zah dongin a kiphel kek gawp hun hong tung ding hi,” ci-in a dawng hi.

Micah 3:12

Tua ahih manin noteʼ hangin lo khawh bangin Zion kikho-in, Jerusalem, nin kipaihna phualpi hong suak dinga, biakinn omna mual, gamlak a suak ding hi.

Late 137:9

Na taneute hong laksakin suangtumpi denna-in a hong neihsak pa in lungdamna ngah tahen!

Isaiah 10:3

Gimpiak ni hun, gamlapi panin huihpi hong nun ciangin note in bang cih ding na hi uh hiam? Huhna ngenin kua kiangah tai dinga, na neihsa uh koi lai ah koih ding na hi uh hiam?

Isaiah 29:3

Na kimkot ah hong umcihin tausangpite tawh kong um dinga, nangmah umcih nading dum ka bawl ding hi.

Jeremiah 11:23

Anathoth khua mite tungah siatna tungsakin gim ka piak hun ciangin a suakta kuamah a om nawn kei ding uh hi,” a ci hi.

Daniel 9:26

Tua hun a bei khit ciangin sathau kinilh pa thuman lopi-in a kithat ding hi. Galsim dingin a hong pai galkap maang lianpa in khuapi le biakinnpi a susia ding hi. A beina pen tuiciin tun bang hi dinga, a tawp dongin galdona le kisiatna vive ahi dingin Pasian in thu a khen zo hi.