Luka 19:40 - Tedim Bible Revision 2017

⁴⁰ Jesu in, “Keʼn kong cih in ah, hih mite in hong phat loin khawl ta le-uh zong, hih lamdung a suangte in phatin awng veve ding uh hi,” ci-in a dawng hi.

Tedim Bible

⁴⁰ Zeisu in, “Ke’n kong cih-inah, hih mite a daih uh leh, suangte in a kiko ding uh hi,” a ci hi.

Luka 19:40 Referans Kwoze

Habakkuk 2:11

Note a hong langpan dingin kulh suangte nangawn hong kiko dinga, innkamte in zong kiko pih ding uh hi.

Isaiah 55:12

Bang hang hiam cih leh Babylon panin lungdamna tawh na paikhia ding uh a, nopsakna tawh hong kipaikhiat pih ding hi. Note mai-a mual liante le mual neute in la sa-in awng ding uh a, gam sunga sing khempeuh in a khut uh beeng ding uh hi.

Mattiu 3:9

‘Abrahamʼ suante ihi ngawn hi,’ cihna lungsim nei mawk kei un. Keʼn kong cih in ah, Pasian in hih suangte nangawn Abrahamʼ suanlekhakte-in a bawl thei hi lel hi.

Late 96:11

Vantung mite kipak henla, leitung mite lungdam hen. Tuipi le a sunga om khempeuh awng ta uh hen.

2 PETER NIHNA 2:6

Pasian in Sodom le Gomorrah khuapite tungah thu khenin mei tawh hal tum a, Pasian a um lo miteʼ thuak nading limin a bawl hi.

Mattiu 27:45

Sun nai sawm le nih hun a kipanin nitak nai thum dong, nai thum sung, tua gam sung khempeuh ah khim a zing hi.

Luka 19:41

Jerusalem khua hong nai semsem a, a khuapi a muh ciangin Jesu in tamlawh a,